Aqtöbe oblysynda 10-nan astam özen arnasynan asqan, dep habarlaidy "Adyrna" tılşısı.
Oblysta 753 tūrǧyn üi, 10 äleumettık nysan men saiajaidaǧy 99 üige su kırgen.
Oblystaǧy Elek, Jem, Torǧai, Yrǧyz, Oiyl, Qaraqobda, Ülken Qobda, Temır, Tamdy, Qauyljyr, Or özenderı köterılgen. Su basqan 5 audan men oblys ortalyǧy Aqtöbe qalasynda tötenşe jaǧdai jariialandy.
Degenmen älı de Yrǧyz audanyndaǧy 4 eldımekendı su basu qaupı bar."187 aula men 99 saiajai üiı zaqymdandy. Su tasqynyna qarsy şaralarǧa jeke qūramnyŋ 3 myŋnan astam qyzmetkerı tartyldy. Onyŋ ışınde Maŋǧystau oblysynyŋ 52 qyzmetkerı jäne Tötenşe jaǧdailar ministrlıgınıŋ qoldauymen Almaty qalasynan kelgen 20 qūtqaruşy bar. 647 tehnikadan bölek, ızdestıru-qūtqaru jūmysyna Qorǧanys ministrlıgınıŋ alty tıkūşaǧy jūmyldyryldy. Su tasqyny saldarynan 6908 adam qauıpsız oryndarǧa köşırıldı", - dep habarlady Aqtöbe oblysy äkımınıŋ baspasöz qyzmetı.
Ūqsas jaŋalyqtar
