Aqtóbe oblysynda 10-nan astam ózen arnasynan asqan, dep habarlaıdy "Adyrna" tilshisi.
Oblysta 753 turǵyn úı, 10 áleýmettik nysan men saıajaıdaǵy 99 úıge sý kirgen.
Oblystaǵy Elek, Jem, Torǵaı, Yrǵyz, Oıyl, Qaraqobda, Úlken Qobda, Temir, Tamdy, Qaýyljyr, Or ózenderi kóterilgen. Sý basqan 5 aýdan men oblys ortalyǵy Aqtóbe qalasynda tótenshe jaǵdaı jarııalandy.
"187 aýla men 99 saıajaı úıi zaqymdandy. Sý tasqynyna qarsy sharalarǵa jeke quramnyń 3 myńnan astam qyzmetkeri tartyldy. Onyń ishinde Mańǵystaý oblysynyń 52 qyzmetkeri jáne Tótenshe jaǵdaılar mınıstrliginiń qoldaýymen Almaty qalasynan kelgen 20 qutqarýshy bar. 647 tehnıkadan bólek, izdestirý-qutqarý jumysyna Qorǵanys mınıstrliginiń alty tikushaǵy jumyldyryldy. Sý tasqyny saldarynan 6908 adam qaýipsiz oryndarǵa kóshirildi", - dep habarlady Aqtóbe oblysy ákiminiń baspasóz qyzmeti.
Degenmen áli de Yrǵyz aýdanyndaǵy 4 eldimekendi sý basý qaýpi bar.
