Prezident Qasym-Jomart Toqaev su basqan aimaqtarda äleumettık maŋyzy bar qyzmetter men azyq-tülık baǧasynyŋ ösuıne jol bermeu mäselesıne Ükımet nazaryn audardy, dep habarlaidy “Adyrna”.
"Su tasqyny men örtke qatysty jaǧdai jyl saiyn qaitalanady. Jauapty organdar men salalyq qyzmetterdıŋ (Qazsuşar, Qazgidromet) jobalau, saraptama jasau jūmystary naşar ūiymdastyrylǧan. Tiıstı şaralar, negızınen, jaǧdai oryn alǧannan keiın nemese tolyqqandy boljam jasalmai qabyldanady. Sondyqtan bızge daǧdarys jaǧdailaryn boljaudyŋ naqty tetıgı öte qajet. Sifrlyq damu ministrlıgı Ekologiia, Su resurstary jäne Tötenşe jaǧdailar ministrlıkterımen bırlesıp jyl soŋyna deiın barlyq yqtimal tötenşe jaǧdailardy (su tasqyny, ört jäne t.b.) modeldeuge, tiıstı boljamdar, ūsynymdar men ıs-qimyl josparyn jasauǧa mümkındık beretın aqparattyq jüie äzırleuge tiıs. Aitpaqşy, Ükımet pen jergılıktı atqaruşy organdar, eŋ aldymen, oblystardyŋ äkımderı jazǧy mausymǧa da daiyn boluy qajet. Ört nemese basqa da tabiǧi apattardyŋ boluy äbden mümkın. Qazırgıdei qamsyz otyrmai, aldyn ala äreket etu kerek. Su tasqynyn körgende, kökten tüskendei abdyrap qaldyŋyzdar. Osy rette elımızdıŋ şyǧys öŋırlerındegı su tasqynyn modeldeu jönındegı TJM men "Qazaqstan Ǧaryş Sapary" ūlttyq kompaniiasynyŋ bırlesken jūmys täjıribesın qoldanuǧa bolady", – dedı Qasym-Jomart Toqaev.
Memleket başsysy qar suyn auyl şaruaşylyǧy qajetıne jaratu üşın jospar äzırleu jäne pärmendı şaralar qabyldaudy tapsyrdy. Onyŋ aituynşa, äkımdıkter erıgen qar suyn eldı mekenderden özen arnalaryna nemese toǧandarǧa būru jūmystaryn jürgızuı kerek.
Ūqsas jaŋalyqtar
