30 mamyrdan bastap "China Southern Airlines" áýe kompanııasy Astana – Úrimshi baǵyty boıynsha reıster sanyn aptasyna 2-den 3 reıske deıin arttyrýdy josparlap otyr. Bul týraly Kólik mınıstrligi málimdedi, dep habarlaıdy “Adyrna” ulttyq portaly.
Mınıstrlik málimdegendeı, Reıster Boeing 737 (syıymdylyǵy 128-den 178 orynǵa deıin) ushaqtarynda oryndalady.
"Osylaısha, Qazaqstan Prezıdenti Qasym-Jomart Toqaevtyń 2023 jylǵy qazandaǵy Qytaıǵa saparynyń qorytyndysy boıynsha elder arasyndaǵy reısterdiń jalpy sany aptasyna 27-den 43-ke deıin ulǵaıady", - delingen habarlamada.
Sondaı-aq, Qazaqstan men Qytaı arasyndaǵy reıster sanynyń artýy elder arasyndaǵy týrıstik, mádenı, ınvestıııalyq jáne iskerlik yntymaqtastyqty odan ári damytýǵa, sondaı-aq halyqaralyq áýe tasymaly naryǵyndaǵy básekelestiktiń artýyna jáne áýe bıletteri baǵasynyń tómendeýine yqpal etedi.
