Qazaqstan prezidentı Sany Group Co. Ltd direktorlar keŋesınıŋ töraǧasy Sian Venbony qabyldady, dep habarlaidy «Adyrna» tılşısı Aqordaǧa sılteme jasap.
Kezdesu barysynda Qasym-Jomart Toqaev pen Sian Venbo «jasyl» energetika salasyndaǧy bırlesken jobalardy jüzege asyru mäselelerın talqylady. Korporasiia Qazaqstanda jalpy quaty 1GVt jel elektr stansiiasyn salu jobasyn jüzege asyruǧa qatysyp jatyr jäne jaŋartylatyn energiia közderıne arnalǧan mūnara, qalaq jäne gondola qūrastyratyn zauyt salu mümkındıgın qarastyruda.
Memleket basşysy Qazaqstannyŋ Sany Group Co. Ltd kompaniiasymen aradaǧy yqpaldastyqty odan ärı nyǧaituǧa müddelı ekenıne nazar audardy. Atap aitqanda, elımızde arnauly tehnikalar, sondai-aq olardyŋ qosalqy bölşekterın şyǧaratyn bırlesken öndırıstı jolǧa qoiu perspektivtı sanalady.
Qytai kompaniiasyna Qazaqstanda aimaqtyq R&D ortalyǧyn aşu mümkındıgın qarastyru ūsynyldy. Būl ortalyq kompaniianyŋ EAEO naryǧyndaǧy qyzmetın ılgerıletuge septıgın tigızedı.
Qasym-Jomart Toqaev Sian Venbony biyl elımızde ötetın Astana halyqaralyq forumyna qatysuǧa şaqyrdy.
