Twitter tanymal adamdardyń, saıasatkerler men ónerpazdardyń, jýrnalısterdiń "kók belgisin" joıyp, olardyń aqparat keńistigindegi mártebesin jańǵyrtty. Rım papasy, Djoan Roýlıng jáne Qasym-Jomart Toqaev Twitter-degi "kók belgisinen" aıyryldy, dep habarlaıdy "Adyrna" ulttyq portaly.
O basta Twitter-degi "kók belgi" qoldanýshylardy alaıaqtardyń áreketinen qorǵap, jalǵan aqparatpen kúresýdiń "tumary" bolǵan edi. Ýaqyt óte kele mundaı aıryqsha tańbany qaltasy qalyń kez kelgen adam satyp ala bastady.
Sol sebepten, Sky News-tiń jazýynsha, álemge yqpaldy, tanymal tulǵalardyń tvıttegi mártebesi joıyldy.
Toqaevtyń "taǵdyrlastary" da, Rım papasy, jazýshy Djoan Roýlıng, fýtbol juldyzy Krıshtıaný Ronaldý, amerıkalyq reper Djeı-Z, áleýmettik jelidegi paraqshalaryndaǵy "kók belgiden" aıyryldy. Tvıtterde mundaı belgige ıe 300 myńǵa jýyq qoldanýshy bolǵan.
Endigide"kók belgini" aıyna 11 dollar tólep, Twitter Blue-ge jazylǵan adamdar ǵana ala alady. Túrli-tústi ózge belgiler qoldanýshynyń qoǵamdaǵy ornyn aıqyndaıdy. Iaǵnı: altyn tús - bıznes ókilderi, al sur tús - úkimet, kópjaqty uıymnyń ókilderi nemese resmı tulǵa.
14 naýryzda Prezıdent Qazaqstan halqyn Amal merekesimen quttyqtaǵanda paraqshasyndaǵy kók tús bolǵan.
Sýret: Twitter/TokayevKZ
Oraıy kelgende aıta keteıik, tvıterdiń sur belgisi memleket basshylary (prezıdentter, monarhtar jáne premer-mınıstrler), memleket basshylarynyń orynbasarlary (vıe-prezıdentter, premer-mınıstrlerdiń orynbasarlary), ulttyq deńgeıdegi mınıstrler kabınetiniń músheleri, atqarýshy bıliktiń bas ókili, sondaı-aq ulttyqtan joǵary nemese ulttyq kongresstiń, Parlamenttiń barlyq palatalarynyń jeke múshelerine tańylǵan.
"Adyrna" ulttyq portaly
