Bügın Parlament Mäjılısınde «Qazaqstan Respublikasynyŋ keibır zaŋnamalyq aktılerıne oiyn biznesı, lotereialar jäne lotereia qyzmetı mäselelerı boiynşa özgerıster men tolyqtyrular engızu turaly» zaŋ jobasy tanystyryldy, dep habarlaidy "Adyrna" ūlttyq portaly.
Mäjılıs deputaty Elnūr Beisenbaev «ūzaq talqylanyp, köpten kütken» zaŋ jobasyn 1,5 jyl kütkenın aitady.
«Osy kezeŋ ışınde qanşama talqylau, qanşama pysyqtau boldy. Qoǧam dertıne ainalǧan būl mäsele jönınde qöptegen deputattyq saual joldanyp, arnaiy otyrystar ūiymdastyryldy. Osyǧan jauapty memlekettık mekemeler ökılderın şaqyryp, tyŋdau da ötkızdık. Eŋ bastysy, Mäjılıstegı barlyq fraksiia ökılderı osy zaŋǧa bastamaşy bolyp otyr.
Sonymen bırge, Prezident janyndaǧy jastar keŋesınıŋ ökılderımen, Ūlttyq Qūryltai müşelerımen de bırge talqyladyq. Qoǧam belsendılerı men sarapşylardyŋ qatysuymen qarastyrdyq. Qysqasy, zaŋ jobasyna Ükımetten qorytyndy alu oŋai bolmady. Ädette, basqa zaŋdar boiynşa qorytyndyny 1-2 ai kütetın bolsaq, al būl zaŋǧa kelgende tym sozylyp kettı. Ekı şaqyrylymdaǧy deputattyq täjıribemde osynşama ūzaq uaqyt boiy Ükımet qorytyndysyn aludy bırınşı körıp otyrmyn. Demek, mūnyŋ ainalasynda müddelı toptar, lobbister bar degen söz» – deidı ol.
Deputattyŋ aituynşa, oiyn biznesınde ülken qarajat ainalyp jatyr. Mäselen, byltyr bukmekerlık keŋselerdıŋ jyldyq ainalymy beiresmi aqparattar boiynşa 1 trillion teŋgege jetken.
«Bügınde qūmar oiyndary jyljymaityn mülık naryǧyn basyp ozyp, aldyŋǧy orynǧa şyqqan. Sondyqtan osynau zaŋ jobasy öte özektı ärı qoǧam üşın maŋyzdy ekenı anyq. Tıptı būl mäselenı el Prezidentı Qasym-Jomart Toqaevtyŋ özı bırneşe ret köterıp, naqty tapsyrma berdı. Qauıpsızdık keŋesınıŋ otyrysynda da, Ūlttyq Qūryltaida bırneşe ret erekşe toqtalǧanyn jaqsy bılesızder.
Şyny kerek, qazırgı taŋda Qazaqstanda oiynqūmarlyq ındettei örşıp, el qauıpsızdıgıne qater töndıre bastady. Onyŋ basty sebebı – qūmar oiyndarynyŋ jūrtşylyqqa oŋai qoljetımdı boluy jäne ony ūiymdastyruşylardyŋ internettegı saittarynyŋ keŋınen taraluy.
Derekterge jügınsek, soŋǧy ekı jarym jylda elımızdıŋ ärbır besınşı adamy oiyn oinaidy eken nemese qūmar oiyndaryna qandai-da bır qatysy bar. 400 myŋdai adam oiynǧa salynyp, bukmekerlık keŋseler men kazinolardyŋ tūraqty klientıne ainalǧan. Ajyrasulardyŋ paiyzyna osy ludomaniia tıkelei sebep bolyp otyr. Tūrmystyq zorlyq-zombylyqqa baratyndardyŋ denı – osy qūmar oiynǧa şaldyqqandar. Mäselen, 2022 jyly elımızde 3 myŋ 676 adam özıne qol jūmsap qaitys bolsa, olardyŋ ärbır besınşısınıŋ sebebı – ludomaniia», – dedı ol.
Ūqsas jaŋalyqtar
