Almaty oblysynda áskerde kóz jumǵan Almas Shákimovtiń denesine týystary eksgýmaııa jasatty, dep habarlaıdy “Adyrna” tilshisi KTK-ǵa siltep.
Otan aldyndaǵy boryshyn óteýge ózi suranyp barǵan kókshetaýlyq jigittiń ólimi qatty daýyldan boldy deıdi jaýaptylar. Alaıda marqumnyń týystary kisi qolynan ólgenin qalaıda dáleldeımiz dep bekingen.
“Almatynyń áskerı prokýratýrasynan ádildik bolmady. Ózimizdiń Bas prokýratýraǵa, Astananyń áskerı prokýratýrasyna, bárine bardyq. Bárinen de ádildik, shyndyq bolmady. Ózimizge qarsy shyǵyp isti jappaqshy boldy”, – deıdi sarbazdyń ájesi Kúlmaıda Týǵanbaeva.
Múrdeni qara jerden qazyp alýǵa táýekel etken sarbazdyń et-jaqyndary onyń denesinde saý jeri bolmaǵanyn aıtady. Iyǵy, eki aıaǵy, aıaq synǵan, sanyna shege tyqqan, basy jarylǵan.
"Munyń barlyǵy áskerdegi álimjettik, Almastyń ajaly adam qolynan boldy", deıdi týǵan-týysqandary.
19 jastaǵy Almas Shákimov esimdi azamat Almaty irgesindegi polıgondardyń birinde áskerı jattyǵý kezinde qumdy daýyl bastalyp, ózge sarbazdardy qutqaryp jatqanda mert bolǵan.
Áskerı basshylyǵy onyń basyna temir qurastyrmaly palatka qulady dep raport bergenin eske salamyz.
