Qasym-Jomart Toqaev Katerina Sakellaropuludy jäne grek halqyn ūlttyq merekesı – Täuelsızdık künımen qūttyqtady. Būl turaly Aqorda jariialady, dep habarlaidy “Adyrna” ūlttyq portaly.
« Bügınde Grekiia Europa Odaǧynyŋ belsendı elderınıŋ bırı retınde özınıŋ tūraqty damu, halyqtyŋ äl-auqatyn jaqsartu jäne halyqaralyq qauymdastyqtaǧy bedelın arttyru jolynda eleulı jetıstıkterge qol jetkızıp keledı. Osy rette memleketıŋızdıŋ ärı qarai qaryştap damuyna, mereiı ärqaşan üstem boluyna tılektespın. Qazaqstan men Grekiia arasyndaǧy mazmūndy saiasi dialog pen dästürlı dostyqtan serpın alatyn yntymaqtastyǧymyzdyŋ aiasy jyldan-jylǧa keŋeiıp jatqanyn rizaşylyqpen atap ötemın. Keleşekte elderımız arasyndaǧy yqpaldastyq jäne san qyrly bailanystar auqymy odan ärı ūlǧaia tüsetınıne kämıl senemın», – dep jazylǧan jedelhatta.
Qasym-Jomart Toqaev Katerina Sakellaropuludyŋ asa jauapty qyzmetıne tolaǧai tabys, al dostas Grekiia halqyna qūt-bereke tıledı.
Ūqsas jaŋalyqtar
