Mäjılıs otyrysynda «AMANAT» partiiasynyŋ müşesı, deputat Edıl Jaŋbyrşin Otan üşın şaiqasqan batyrymyzdyŋ ūmyt bolmai, jas ūrpaqtyŋ jadynda qaluy keregın aityp, deputattyq saual joldady, dep habarlaidy “Adyrna” ūlttyq portaly.
Deputat öz sözınde «Adal adam» qaǧidatyna sai tarihi tūrǧydan ädıl baǧalanuy tiıs ekenın aitty.
«Keşe ǧana Ūlttyq qūryltaida elımızge arnalǧan kelelı ideologiialyq, adami qūndylyqtar, azamattardyŋ qūqyqtary, äleumettık jäne saiasi-ekonomikalyq baǧyttaǧy mäseleler naqty köterıldı. Memleket basşysy bärımız köterıp jürgen ülken-kışılı özektı oilarǧa toqtalyp, olardyŋ ıske asyruyn naqtylady. Qūryltaida öz tarapymnan naǧyz şaiqasta qasyq qany qalǧanşa erlık körsetken maidangerlerımızdıŋ, Prezident aitqandai «Adal adam» qaǧidatyna sai tarihi tūrǧydan ädıl baǧalanuy tiıs ekenın köterdım. Öitkenı, älemdegı barşa ūlttardy joiyp, özderınıŋ nasistık ideologiiasyn ornatqysy kelgen faşisterge atalarymyz qasqaiyp qarsy tūrdy. Bıraq bügın tek beibıt qoǧamda ömır sürıp, oq-därınıŋ iısın sezbegen, Otan üşın kürestegı şaiqastarmen tereŋ tanyspaǧan ūrpaǧymyzdyŋ keibır ökılderı tarihi oqiǧalarymyz ben tūlǧalarymyzdy joqqa şyǧarǧysy keledı. Būl – tarihymyzǧa jasalǧan qiianat, batyrlardyŋ ruhyna degen qūrmetsızdık.
El bolamyz desek, ärbır tarihi oqiǧany, sol oqiǧalardyŋ bel ortasynda jürgen tūlǧalardyŋ atyn – jas ūrpaqtyŋ jadynda tasqa qaşaǧandai etıp taŋbalauymyz kerek. Mysaly, älemnıŋ Angliia, Qytai, Fransiia, İspaniia siiaqty köptegen elderı öz tarihyn tūǧyrly tūlǧalarmen bailanystyrady, tıptı olardyŋ esımderımen arnaiy däuırlerdı ataidy. Oǧan qosa, ordenderı men medaldaryna ruhani kösemderınıŋ, memleketınıŋ aibyndy qolbasşylarynyŋ esımderın bergen. Būl ūlttyŋ ūlylyǧyn jäne saiasi mädenietınıŋ biıktıgın bıldıredı.
Osy rette, keşegı Ūlttyq qūryltaida Qasym-Jomart Toqaev tarihi ädıldıktı ornatu üşın elımızdegı aty aŋyzǧa ainalǧan qaharmandarymyz – Bauyrjan Momyşūly, Raqymjan Qoşqarbaev, Saǧadat Nūrmaǧambetovtıŋ esımderımen atalatyn arnaiy ordenderdı taǧaiyndaudy ūsyndy. Prezidenttıŋ būl ūsynysy – adamzat örkenietınde zardaby jönınen būryn-soŋdy bolmaǧan, milliondaǧan adamdardyŋ ömırın jalmaǧan, taǧdyrlaryn talqan etken ekınşı düniejüzılık soǧystaǧy 600 myŋ qazaqstandyq maidangerlerdıŋ ruhyna degen naǧyz qūrmet»,- dedı Edıl Jaŋbyrşin.
Sondai-aq, būl otanşyldyqty, ūlttyq bıregeilıktı nyǧaituǧa kelelı yqpal etetının de basa aitty.
«Bıraq batyr babalarymyzdyŋ ruhyna körsetılgen Qūryltaidaǧy maŋyzdy bastama aqparattyq tūrǧydan jan-jaqty taratylmai, qoǧamda laiyqty deŋgeide nasihattalmady. Sondyqtan bırınşı kezekte, bız Mäjılıs deputattary osy tyŋ ideiaǧa arnaiy toqtaludy jön kördık jäne atalǧan ūsynysty zaŋdy türde bekıtuımız qajet. Būl şeşımdı tez arada aldaǧy Otan qorǧauşylar künıne deiın qabyldap, alǧaşqy sarbazdarymyzdy elımızdıŋ bırtuar perzentterınıŋ atyndaǧy märtebelı ordendermen marapattauymyz kerek. Sol sebeptı, Qūryltaida köterılgen mäselelerdı Ükımetke resmi mınberden arnaiy joldap otyrmyz», – deidı ol.
Ūqsas jaŋalyqtar
