United Airlines компаниясының Boeing 737 жолаушылар ұшағы тағы да оқыс жағдайға ұшырады, деп хабарлайды "Адырна" тілшісі TimesNow агенттігіне сілтеп.
Жолаушылар ұшағы Сан-Францискодан ұшып, Орегондағы Медфорд әуежайына аман-есен қонған. Алайда ұшақтың қаптағышы ұшып кеткен.
Бортта 139 жолаушы мен алты экипаж мүшесі болған. Адам шығыны болған жоқ.
"Ұшудан кейінгі тексеріс панельдің жоқ екенін анықтаған. Тергеу жүргізіледі", – деді авиациялық реттеуші.Америкалық БАҚ әуе компаниясының бұл ұшақты пайдалануды тоқтатқанын айтты. Boeing ұшақтарында соңғы кездері бірнеше апаттар болған.
