Belgili sport kommentatory, ardager jýrnalıst Rabat Jánibekov ómirden ótti, dep habarlaıdy "Adyrna" tilshisi.
Qaraly habardy jýrnalıst Kemelbek Oıshybaev jetkizdi.
Áleýmettik jelide jarııalaǵan jazbasynda:
"Qazaq televızııasynyń belgili sport jýrnalısti, alǵash qazaq tilindegi sport kommentatory bolǵan, ardager Rabat Jánibekov ómirden ótkeni týraly sýyq habar tańmen keldi. Rabat aǵamyz týraly kishkentaı kezimnen estıtinmin, ákem Baqtyǵul Oıshybaev Rabat aǵaımen KazGÝde jýrnalıst mamandyǵyna oqyǵan kezinde jataqhanada bir bólmede turǵanyn aıtyp, stýdenttik shaqtaryn eske alatyn.
Sońǵy kezde aýyryp jatqany týraly uly Mýslım habarlaǵan. Aǵamyzdyń arty qaıyrly, jany jannata bolsyn", - dep kóńil aıtty.
Rabat Jánibekov 1942 jyly Túrkistan oblysy Qazyǵurt aýdanynda dúnıegen kelgen. Marqum qazaq televızııasynda birneshe jyl boıy abyroıly qyzmet etip, kommentator boldy.
Ol eń alǵash 1973 jyly Máskeýde ótken Fýtboldan KSRO Chempıonatyndaǵy "Qaırat" - "Torpedo" kezdesýin júrgizdi.
