Almaty áýejaıy aýa raıyna baılanysty kelýshiler úshin jabyldy. Bul týraly áýejaıdyń baspasóz qyzmeti málimdedi, dep habarlaıdy “Adyrna” ulttyq portaly.
"Almaty halyqaralyq áýejaıy aýa raıynyń qolaısyzdyǵyna baılanysty muzdanyp qalýǵa qarsy jumystardy júrgizý ýaqytsha múmkin bolmaı turǵanyn habarlady. Almatydan ushýlar aýa raıy jaqsarmaıynsha toqtatyldy", - dep habarlady áýejaıdan.
Sondaı-aq jergilikti ýaqyt boıynsha saǵat 19:00-den bastap Almaty áýejaıy kelýshiler úshin jabylatyny habarlandy. Almaty halyqaralyq áýejaıy aýa raıy jaqsara salysymen jumysyn jalǵastyrady.
Qazir áýejaı ishi halyqqa lyq toly, tipti bos oryn joq.
Sondaı-aq, búgin Almaty ákimdigi aýa raıynyń nasharlaýyna baılanysty kommýnaldyq qyzmetterdiń kúsheıtilgen jumys rejımine kóshkenin atap ótti. Qar 15 naýryzda tańǵy saǵat 4-ke deıin jalǵasady, qalyńdyǵy 8-10 sm qar jaýady dep kútilýde.
TJD Almaty turǵyndaryna úndeý joldady: qutqarýshylar qalada bastalǵan qalyń qarǵa baılanysty azamattardy kólikterin aǵashtardyń astyna qoımaýdy suraıdy.
