Búgin Májilis tóraǵasy Erlan Qoshanov jýrnalısterdiń suraqtaryna jaýap berdi, dep habarlaıdy "Adyrna" ulttyq portaly.
Jýrnalıster Erlan Jaqanulyna «Naýryzdyń 5-i kúni siz jáne Úkimet basshysy Oljas Bektenov jumys saparymen Máskeýge bardyńyzdar. Bizdiń qoǵamda «Sheneýnikter Reseıge nege barǵyshtaı beredi? degen alańdaýshylyq bar. Reseıge nege premermen bir ýaqytta bardyńyz?» dep suraq qoıdy.
«Bul ádeıi uıymdastyrylǵan nárse emes. Bul úkimetter arasyndaǵy ózderiniń talqylaıtyn máseleleri bar. Al meniń barǵan saparym - kópten josparlanǵan resmı sapar. Sapar barysynda Reseı dýmasynyń basshysy áriptesim Volodınmen jáne federaııa keńesiniń tóraıymy Matvıenko hanymmen kezdesý boldy. Kóptegen zań shyǵarý jumysy boıynsha, basqa da memleket arasyndaǵy qarym-qatynas máseleleri boıynsha kelissózder júrgizildi. Sonyń ishinde birneshe máseleni aıtyp ketýge bolady. Ol – bizdiń júrgizýshilerimizdiń, júk tasýshylarymyzdyń Reseı men Belarýs shekarasynda, Qazaqstan men Reseı shekaradaǵy júk tasý máseleleri. Sonymen qatar, Reseıde áskerı oqý oryndarynda oqyp jatqan qazaqstandyq stýdentterimizdiń máseleleri qarastyryldy», – dedi Májilis tóraǵasy.
Sondaı-aq jýrnalıster «Dýma tóraǵasy Volodınmen kezdesken kezde depýtattardyń Qazaqstanǵa qarsy pikir bildirgenin eskerttińiz be?” dep surady.
«Iá, bul taqyrypta biz de áńgimelestik. Osy taqyryp tóńireginde federaııa keńesiniń basshysy Valentına Matvıenkomen de suhbattasqan edik. Aldaǵy ýaqytta biz bul másele boıynsha ózara jumys jasaıtyn bolyp kelistik», – dedi ol.
Belgili bolǵanyndaı 22 aqpan kúni Memleket basshysy Qasym-Jomart Toqaev ta Reseıge barǵan. Prezıdent sonda birneshe prezıdentpen birge «Bolashaqtyń oıyndary» halyqaralyq týrnıriniń ashylý rásimine qatysqan.
Nazerke Sandybekqyzy
