Germanııada koronavırýspen kúres maqsatynda dúısenbiden, 2 qarashadan bastap lokdaýn rejımi jarııalandy. Bul týraly RIA Novostı habarlady.
Germanııa kanlery Angela Merkel 28 qazanda karantın rejımi engiziletini jarııalaǵan bolatyn. Onyń aıtýynsha, eldiń densaýlyq saqtaý júıesi ázirshe naýqastardyń ósýimen kúresip jatqanymen, jalpyulttyq karantın jarııalanbasa, birneshe aptadan keıin múmkindikteri shegine jetýi múmkin.
Elde teatr, fıtnes-klýbtar jabylyp, qoǵamdyq tamaqtaný oryndary jetkizý qyzmeti boıynsha ǵana jumys istese, mektepter, bala baqshalar, shashtarazdar men dúkender jumysyn jalǵastyrady.
1 qarashadaǵy málimet boıynsha, Germanııada bir táýlikte koronavırýs juqtyrǵan 14,2 myń adam anyqtalǵan, 29 adam qaıtys bolǵan.
Jalpy Germanııada pandemııa bastalǵaly naýqastar sany 532 930-ǵa jetken, 10 481 adam qaıtys bolǵan. 355 myńnan asa adam aýrýdan aıyqqan.
"Adyrna" ulttyq portaly
