Şyǧys Qazaqstan oblysynda köpqabatty tūrǧyn üilerdıŋ bırıne atys qaruymen şabuyl jasaldy, dep habarlaidy "Adyrna" portalynyŋ tılşısı.
«Altai audanynyŋ polisiia bölımıne qala tūrǧyny habarlasyp, keşkı uaqytta belgısız bıreu onyŋ päterınıŋ terezesıne oq atyp, sonyŋ saldarynan 50 myŋ teŋge kölemınde şyǧyn keltırgenın jetkızdı, polisiia qyzmetkerlerı körsetılgen meken jaiǧa dereu jetkenın aitty. Jedel-ızdestıru ıs-şaralaryn jürgızu barysynda tärtıp saqşylary küdıktını anyqtap, ūstady. Ol körşı tūratyn 23 jastaǧy jas jıgıt bolyp şyqty», - dep habarlady düisenbıde ŞQO IID (PD) baspasöz qyzmetı.
Ūstalǧannyŋ üiınen jedel tıntu barysynda poliseiler 12-kalibrlı ekı patron, İJ-18 EM-M markaly bır auyzdy aŋşy myltyǧy jäne 12-gabarittı üş gilza, sonymen qatar 12-kalibrlı segız gilzany tauyp, tärkıledı.
«Anyqtalǧandai, sol künı keşke er adam jäbırlenuşınıŋ üstınde tūratyn körşısımen töbelesken. Küdıktı syrtqa şyǧyp, myltyǧyn nysanaǧa baǧyttaǧan, bıraq – oq jazyqsyz körşısınıŋ terezesıne tidı. Keiın belgılı bolǧandai, qūqyq būzuşynyŋ terezelerı aulanyŋ ekınşı jaǧyna qaraityny anyqtalǧan», - delıngen habarlamada.
QR Qylmystyq kodeksınıŋ 293-babynyŋ 3-bölıgı (būzaqylyq) boiynşa qylmystyq ıs qozǧaldy.
Ūqsas jaŋalyqtar
