Almatyda Shymbulaqta SCIJ (The Ski Club of International Journalists) Halyqaralyq shańǵyshy jýrnalıster klýbynyń 69-shy otyrysy ashyldy, dep habarlaıdy Azattyq Ruhy.
Bıyl Qazaqstan uıymdastyrýshy el retinde álemniń 30-ǵa jýyq elinen 150 jýrnalısti qabyldaýda. Jıyndy Qazaqstan Respýblıkasy Týrızm jáne sport vıe-mınıstri Serik Jaraspaev ashty.
«Búgin sizderdi erekshe is-shara - Halyqaralyq shańǵyshy jýrnalıster klýbynda qarsy alýǵa qýanyshtymyz. Bul shara túrli elderdiń kásipqoılaryn biriktirý úshin ǵana emes, sonymen qatar elimizdiń keremet jerlerimen tanysýǵa biregeı múmkindik berý úshin jasalǵan», - dedi vıe-mınıstr.
Naýryzdyń 3 men 10 aralyǵynda qatysýshylar úshin taý shańǵy boıynsha jattyǵýlar men jarystar, kásibı taqyryptardaǵy pikirtalas, paıdaly kezdesýler jáneQazaqstannyń mádenıeti men ulttyq taǵamdarymen tanysý ótedi.
SCIJ kezekti kezdesýiniń bas seriktesi – «Kazakh Tourism» Ulttyq kompanııasy. Shara Almaty qalasy ákimdiginiń qoldaýymen Shymbulaq taý kýrortynyń 70 jyldyǵy aıasynda ótýde.
Klýbtyń jyl saıynǵy otyrystary halyqaralyq jýrnalıster qaýymdastyǵynyń nyǵaıýyna septigin tıgizip qana qoımaı, el týrızminiń damýyna da áser etedi. Sondyqtan álemniń túkpir-túkpirinen kelgen qonaqtardy qarsy alý arqyly Qazaqstan ózin perspektıvti taý-shańǵy baǵyty retinde kórsetýge múmkindik aldy. Muny «Kazakh Tourism» basqarma tóraǵasynyń orynbasary Danıel Serjanuly da qonaqtardy quttyqtaý sózinde atap ótti.
«Ulttyq týrıstik kompanııa retinde biz halyqaralyq jýrnalısterdiń nazaryna elimizdiń keremetterin pash etý qurmetine ıe boldyq. Bul basqosý elimizde jáne odan tys jerlerde qysqy týrızmdi damytýǵa zor úles qosady degen senimdemiz. Osy is-shara barysyndaǵy ıdeıalar, tájirıbe men bilim almasý Qazaqstannyń qysqy sport túrleri men týrızminiń bolashaǵyn qalyptastyrýǵa turaqty túrde áser etetini sózsiz», - dedi ol.
Qazaqstannyń SCIJ-degi tarıhy 2012 jyldan bastaý alady. Sol jyly elimiz Túrkııadaǵy klýbtyń jyl saıynǵy otyrysyna qonaq retinde alǵash ret qatysqan bolatyn. Al 2013 jyldan bastap úsh adamnan turatyn qazaqstandyq komanda Italııada ótken jıynda SCIJ-ke resmı túrde qabyldandy. SCIJ Kazakhstan klýby qurylǵannan beri 10 jyl ishinde qatysýshylar sany 48 adamǵa deıin ósti.
Kezdesýdi ótkizý boıynsha SCIJ klýbynyń bas seriktesi Qazaqtýrızm Ulttyq kompanııasy bolyp tabylady. Klýbtyń seriktesteri Almaty týrıstik bıýrosy, Kaspi.kz, Everest Development, Porsche brendimen Orbis-Auto, Lotte-Rahat, «Evrazııa»saqtandyrý kompanııasy, Turkish Airlines jáne Shymbulaq taý kýrorty boldy.
Qazaqstandyq klýbtyń negizgi maqsaty – belsendi ómir saltyn nasıhattaý, jýrnalısterdi, jáne olar arqyly halyqty qysqy sport túrlerine tartý, halyqaralyq arenada Qazaqstannyń týrıstik áleýetin nasıhattaý, sondaı-aq qatysýshy-jýrnalısterdiń buqaralyq aqparat quraldarynda elimizdiń jetistikteri týraly aqparat berý.
