"Adyrna" ulttyq portalyna oqyrman hat jolady. Óziniń hatynda Almaty qalasy, Ǵalı Ormanov kóshesin boılaǵan kóliktiń tóbesinen basyn qyltıtqan úsh jasóspirimniń áreketi sóz bolǵan. Vıdeodan baıqalǵandaı, olar kólik tóbesindegi lıýginen basyn shyǵaryp, kópshilik oryndarda maquldanbaıtyn qadamdarǵa barǵan.
"Adyrna" redakııasyna oqyrmannan hat kelip tústi. Óziniń hatynda avtor otandyq "989 ARV 02" nómirli kólik tóbesine minbelep, kópshilik ortada oǵash qylyq tanytqandar jaıly habar beredi. Vıdeony kórip, onyń mánisine boılamaq nıette portal jýrnalısi zańgermen tildesip kórdi.
Kóliktiń ''jan-jaǵyna" bulaı jarmasýdyń qanshalyqty zańdy ekendigin suraǵanymyzda zańger Berdimurat Hasenuly:
- Ókinishke qaraı, mundaı oqıǵalar óte kóp. Bireýler biledi, bireýler bile bermeıdi. Kólikten qolyn shyǵaryp júrý, basyn shyǵaryp júrý, terezeden syrtqa telmirýge bolmaıdy. Jaqynda mektep oqýshylary, ýnıversıtet stýdentteriniń keshi bolady. Jalǵa alynǵan kóliktermen jas balalar osylaı zań buzýshylyqqa jol beredi. Qyzyq kóringenimen, munyń bári zańbuzýshylyqqa jatady. Ákimshilik quqyq buzýshylyq týraly
593-bapta barlyǵy kórsetilgen. Eger adam ómirine zııan keletin bolsa, júrgizýshi qylmystyq jaýapkershilikke de tartylady, -dep jaýap berdi.
Osy oraıda oqyrmandar nazaryna "Ákimshilik quqyq buzýshylyq" týraly zańnyń 593-babyn usynamyz:
Jol júrisi qaǵıdalarynda kózdelgen jolaýshylardy jáne júkterdi tasymaldaý, qaýipsizdik beldikterin nemese motoshlemderdi paıdalaný jónindegi talaptardy saqtamaý;
1. Jolaýshylardy jáne júkterdi tasymaldaý qaǵıdalaryn saqtamaý – bes aılyq eseptik kórsetkish mólsherinde aıyppul salýǵa ákep soǵady.
2. Qaýipsizdik beldikterin nemese motoshlemderdi paıdalaný qaǵıdalaryn saqtamaý – bes aılyq eseptik kórsetkish mólsherinde aıyppul salýǵa ákep soǵady.
3. Osy baptyń birinshi jáne ekinshi bólikterinde kózdelgen, ákimshilik jaza qoldanylǵannan keıin bir jyl ishinde qaıtalap jasalǵan áreketter – on aılyq eseptik kórsetkish mólsherinde aıyppul salýǵa ákep soǵady.
"Adyrna" ulttyq portaly
