Shymkentte segizinshi synyp oqýshysy sabaq ústinde qaza tapty. Bul týraly Almaty arnasy jarııalady, dep habarlaıdy “Adyrna” ulttyq portaly.
Oqıǵa qaladaǵy jekemenshik oqý oryndarynyń birinde bolǵan.
Aqparatqa súıensek, oqýshy óz-ózine qol jumsaǵan bolýy múmkin.
Oqýshy qyz sabaq ýaqytynda suranǵan, biraq muǵalim ony jibermegen. Saldarynan jedel járdem kelgenshe 14 jastaǵy qyzdyń júregi toqtap, sabaq ústinde esinen tanyp qalǵan.
“Naýqas óte aýyr jaǵdaıda keldi. Ol birden jansaqtaý bólimine jetkizildi. Onyń júregi úsh ret toqtap qaldy. Qaıta-qaıta júregin qaıta soǵýǵa tyrysqanymyzben, naýqasty aman alyp qala almadyq", – deıdi T.Orynbaev atyndaǵy gıperbarıkalyq oksıgenaııa ortalyǵynyń toksıkologııa bóliminiń meńgerýshisi Asylhan Myńbosynov.
Qazir polıııa "Ózin-ózi óltirýge ıtermeleý" baby boıynsha tergeý júrgizýde. Qylmysker 8 jylǵa deıin bas bostandyǵynan aıyrylýy múmkin.
Aldyn ala boljam boıynsha, qyz ájesine arnalǵan júrek tabletkalaryn qabyldaǵan, bul ólimge ákelýi múmkin.
“Qazan aıynda synyp jetekshisi qyzdyń bileginiń kesilgenin baıqady. Anasyn shaqyrdyq. Qyzdy osy ýaqyt boıy psıholog baqylaǵan. Degenmen olar bul qyzdyń jaı ǵana ózine nazar aýdartýy dedi. Biraq mundaı jaǵdaıdyń barlyǵy mektepte baqylaýǵa alynady. Anasyna bári belgili bolǵan", – deıdi jekemenshik mektep dırektory Iýlııa Korban.
Polıııa jaǵdaıdy tergep jatyr.
