“Otanǧa opasyzdyq jasady” degen aiyppen 10 jylǧa sottalǧan qazaqstandyq belgılı sinolog Konstantin Syroejkinnıŋ şartty türde merzımınen būryn bosatu ötınımınen bas tartylǧannan keiın ol prezident Qasym-Jomart Toqaevtyŋ barlyq igı bastamalaryna sabotaj jasalyp jatqanyn aitty. Būl turaly Zona KZ jazdy, dep habarlaidy “Adyrna” ūlttyq portaly.
«Prezident Q.Q.Toqaevtyŋ barlyq igı bastamalaryna tosqauyl qoiyldy (sabotaj jasaldy) nemese müldem kerısınşe jüzege asyryluda», - dep jazdy Syroejkin internet-gazet redaktoryna jazǧan hatynda.
Şartty türde merzımınen būryn bosatu ötınımı qoldau tappaǧannan keiın ol Bas prokuror Berık Asylovqa Qonaev soty men Almaty oblystyq sotynyŋ sottalǧandardyŋ şartty türde merzımınen būryn bosatu turaly ötınışterın qanaǧattandyrudan bas tartu qaulylarynyŋ zaŋdylyǧyn baǧalaudy, sondai-aq ısterdı qarauǧa qatysatyn prokurorlardyŋ qyzmetın baǧalau jäne olardyŋ şeşımderınıŋ Konstitusiiaǧa jäne «Prokuratura turaly» zaŋǧa säikestıgın anyqtaudy sūrap jügıngen.
Aita keteiık, būǧan deiın Konstantin Syroejkin Qasym-Jomart Toqaevtan raqymşylyq jasaudy sūraǧanyn jazǧan edık.
Eske salaiyq, 2019 jyly Konstantin Syroejkin Qylmystyq kodekstıŋ 175-babynyŋ 1-bölımı «Memleketke opasyzdyq jasau» boiynşa kınälı dep tanylǧan edı. Ol — qytaitanuşy ǧalym, köptegen kıtaptyŋ, sondai-aq orys, aǧylşyn jäne qytai tılderındegı myŋnan asa maqalanyŋ avtory. Zertteuşı ūzaq jyldar boiy Qazaqstan Respublikasy Prezidentı janyndaǧy Qazaqstan strategiialyq zertteu institutynyŋ bas ǧylymi qyzmetkerı jūmysyn atqardy.
Onyŋ kıtaptary: «Qytaidaǧy qazaqtar: äleumettık-ekonomikalyq jäne mädeni damu ocherkterı», «Qazırgı Şyŋjaŋ jäne onyŋ qazaq-qytai qatynastaryndaǧy orny», «Qazaqstan-Qytai: şekaralyq yntymaqtastyqtan strategiialyq serıktestıkke», «Qazaqstan Qytaidan qorqu kerek pe: mifter men fobiialar».
