Aqtöbede poliseidı videoǧa tüsırgen kölık jürgızuşısı qamalǧan, dep habarlaidy "Adyrna" tılşısı Diapazonǧa sıltep.
39 jastaǧy kölık jürgızuşısı poliseidı videoǧa tüsırgen.
Tärtıp saqşylary hattama toltyryp, ıstı äkımışılık sotqa jıbergen bolatyn. Sudia ony tört täulıkke qamauǧa aluǧa şeşım şyǧaryp, kölık jürgızuşısı oblystyq sotqa aryz tüsırdı.
Aryzdanǧan jürgızuşı oqiǧanyŋ män-jaiyn aityp berdı. Ol sol künı kölıgın juyp, üiıne qaityp bara jatqanda poliseiler toqtatqan. Jürgızuşı bärın videoǧa tüsıre bastaǧan. Keiınnen 6-7 polisei ony jerge jatqyzyp, qolyna kısen salyp, polisiia uchaskesıne alyp ketıptı.
Degenmen poliseiler kölıktı ne üşın toqtatqanyn aitpai, tek kamerany alyp tastaudy talap etken. Al QR Zaŋy boiynşa tärtıp saqşylaryn tek tergeu ornynda jäne tötenşe jaǧdai rejimı nemese terrorizmge qarsy operasiia aimaǧynda tüsıruge bolmaidy.
Qamauǧa alynǧan er adam suisid jasauǧa tyrysqan. "Jäbırlendım" degen azamatty jedel järdem mamandary qūtqaryp qaoǧan körınedı.
Oblystyq sot alqasy kölık jürgızuşısınıŋ äreketınde qylmys qūramyn tappai, ıstı toqtatuǧa şeşım şyǧaryp, ony bosatqan.
Sondai-aq "zaŋsyz qamauǧa alyndym" degen azamat ötemaqy talap etuge qūqyly ekenın aityp, 1 million teŋgenı talap ettı. Sot qarjy ministrlıgın 200 myŋ teŋgenı tölep berudı mındettedı.
Ūqsas jaŋalyqtar
