Türkıstan oblysy Qazyǧūrt audandyq polisiia bölımı bastyǧynyŋ orynbasary atyşuly beinejazbadan keiın qyzmetınen bosatyldy. Būl turaly Türkıstan oblysy polisiia departamentınıŋ baspasöz qyzmetı mälımdedı, dep habarlaidy “Adyrna” ūlttyq portaly.
Vedomstvonyŋ mälımetınşe, polisiia polkovnigı Bauyrjan Aldabergenov beinege jaǧymsyz türde tüsırılgen. Beinejazba avtory audandyq polisiia bölımı bastyǧynyŋ orynbasaryn tanyǧan. Videoda er adam formadaǧy qyzmetkerlerge fizikalyq küş qoldanady. Avtordyŋ aituynşa, osylaişa polkovnik aqşa bopsalaǧan.
"Komissiia qorytyndysy boiynşa atalǧan beinejazbadaǧy bastyqtyŋ orynbasary qyzmetten bosatyldy. Jeke qūram arasynda qyzmettık tärtıp pen zaŋdylyqty nyǧaitu jäne sybailas jemqorlyqqa qarsy ıs – qimyl boiynşa keşendı jūmys jalǧasyp jatyr", - dep habarlady oblystyq polisiia departamentı.
Būl fakt boiynşa Qylmystyq kodekstıŋ 362-baby "Bilık pen lauazymdyq ökılettıktı asyra paidalanu" boiynşa sotqa deiıngı tergeu jalǧasyp jatyr.
Osy bap boiynşa, jauapty lauazymda jäne qyzmettık jaǧdaiyn paidalana otyryp jasalǧan zaŋbūzuşylyqtar üşın bes jyldan on jylǧa deiıngı merzımge bas bostandyǧynan aiyru, mülkı tärkılenıp, belgılı bır lauazymdardy atqaru nemese belgılı bır qyzmetpen ainalysu qūqyǧynan ömır boiyna aiyru jazasy qarastyrylǧan.
