Batys Qazaqstan oblysynda múlikti bóliskisi kelmegen áıeldiń kúıeýin óltirýge kıller jaldaǵany aıtyldy. Jedel is-sharalar barysynda polıııa tapsyryspen kisi óltirýdi toqtatty, dep habarlaıdy «Adyrna» tilshisi Polisia.kz-ke silteme jasap.
«Qylmysty uıymdastyrdy degen kúdikpen eki turǵyn ustaldy. Qylmysqa tapsyrys berýshi kúıeýimen múlikti bóliskisi kelmeıtin áıel ekeni anyqtaldy»,— delingen habarlamada.
Kúdiktilerden olardyń kinásin rastaıtyn zattaı dáleldemeler tárkilendi. Tergeý málimetteri boıynsha, qarýdy satyp alý jáne kisi óltirýdi oryndaý úshin tapsyrys berýshi uıymdastyrýshyǵa 1,3 mln teńge bergen.
Qazirgi tańda qylmystyq is kisi óltirýge oqtalý faktisi boıynsha tergelip jatyr. Kúdiktiler 20 jylǵa deıin bas bostandyǵynan aıyrylýy múmkin.
