Qytailyq Changan avtokonsernı Reseidegı öndırısınen resmi türde bas tartyp, endı öz kölıkterın Qazaqstanda qūrastyratyny turaly aqparat tarady, dep habarlaidy "Adyrna" ūlttyq portaly.
Būl turaly «Qytailyq avtomobilder» Telegram-arnasy habarlady.
Kompaniia Qazaqstanda ornalasqan köpbrendtı AMMKZ zauytynda kölık şyǧara bastaidy. Zauyttyŋ alǧaşqy önımderı 2024 jyldyŋ tamyzynda konveierden şyǧady dep josparlanǧan. Changan bırneşe modelın bırden şyǧaru nietınde ekenın mälımdedı, alaida naqty modelder älı jariialanǧan joq.
Resei naryǧyna jetkızıletın alǧaşqy model – Changan CS55 Plus krossoverı bolmaq. Būl kölıktıŋ reseilık naryqtaǧy satylymy biylǧy küzdıŋ soŋyna josparlanǧan. Qazaqstan qūrastyratyn maşinalar Reseige utilizasiialyq alym tölenıp aparylady.
Changan bastapqyda Qazaqstanda 9 modeldı şaǧyn tüiındık ädıspen (melkouzlovaia sborka), dänekerleu jäne boiaumen bırge şyǧarady. Keiın modelder sany 12-ge deiın artuy mümkın. Zauyt jylyna 90 000 kölık qūrastyruǧa qauqarly ekenı aityldy.
Ekaterinburgte ötken «İnnoprom» halyqaralyq körmesınde Changan kompaniiasy quaty 430 at küşın qūraityn jaŋa jol talǧamaityn kölıgın tanystyrdy.
