Búgin – qazaq halyq poezııasynyń áıgili tulǵasy, óleń sózdiń dúldúli, jyraý, jyrshy Jambyl Jabaevtyń dúnıege kelgen kúni. Aqynnyń týǵanyna 178 jyl tolyp otyr.
Jambyl Jabaev 1846 jylǵy aqpan aıynyń 28-i kúni Jambyl oblysyndaǵy Jambyl taýynyń eteginde dúnıege kelgen. Jambyldyń aqyndyq daryny jas kezinen-aq tanyla bastaǵan. Bozbala shaǵynan ortasyn án men jyrǵa keneltip, kórshiles qyrǵyz eline de dańqy jaıylǵan. Sol kezde Jambyl Jetisýdyń dúldúl aqyny Súıinbaıǵa jolyǵyp, onyń batasyn alady.
Jambyl “Shaǵym”, “Jylqyshy”, “Shábdenge”, “Sát saılanarda”, “Óstepkede”, “Patsha ámiri taryldy”, “Zildi buıryq” sııaqty óleńinde eldiń áleýmettik saıası ómirin kórsetken. Jambyl óleńderi álemniń barlyq tilderine aýdarylǵan jáne jarııalanǵan. Jambyldyń «Lenıngradtyq órenim» atty ataqty óleńi eshqashan umytylmaıdy. Jambyl kóziniń tirisinde KSRO memlekettik syılyǵynyń laýreaty atanǵan.
Jambyldyń ulylyǵy onyń tek aqyndyq sheberligimen ǵana emes, sonymen birge, halyq poezııasynyń butaq jaıǵan jańa bir báıteregi bolýymen, basqasha aıtqanda, halyq aqyndarynyń jasampazdyq rýhtaǵy jańa uly kóshin bastaǵan daralyǵymen de ólshenedi. Onyń sózderi uranǵa aınalyp, ózi halyq poezııasynyń atasy atandy.
Ol 1945 jylǵy maýsym aıynyń 22-inde Almaty oblysynyń Uzynaǵash eldi mekeninde 99 jasynda dúnıeden ótti.
