"Jüzge kep baqyt tapqan aqyn Jambyl..."

Bügın – qazaq halyq poeziiasynyŋ äigılı tūlǧasy, öleŋ sözdıŋ düldülı, jyrau, jyrşy Jambyl Jabaevtyŋ düniege kelgen künı. Aqynnyŋ tuǧanyna 178 jyl tolyp otyr. Jambyl Jabaev 1846 jylǧy aqpan aiynyŋ 28-ı künı Jambyl oblysyndaǧy Jambyl tauynyŋ etegınde düniege kelgen. Jambyldyŋ aqyndyq daryny jas kezınen-aq tanyla bastaǧan. Bozbala şaǧynan ortasyn än men jyrǧa keneltıp, körşıles qyrǧyz elıne de daŋqy jaiylǧan. Sol kezde Jambyl Jetısudyŋ düldül aqyny Süiınbaiǧa jolyǧyp, onyŋ batasyn alady. Jambyl “Şaǧym”, “Jylqyşy”, “Şäbdenge”, “Sät sailanarda”, “Östepkede”, “Patşa ämırı taryldy”, “Zıldı būiryq” siiaqty öleŋınde eldıŋ äleumettık saiasi ömırın körsetken. Jambyl öleŋderı älemnıŋ barlyq tılderıne audarylǧan jäne jariialanǧan. Jambyldyŋ «Leningradtyq örenım» atty ataqty öleŋı eşqaşan ūmytylmaidy. Jambyl közınıŋ tırısınde KSRO memlekettık syilyǧynyŋ laureaty atanǧan. Jambyldyŋ ūlylyǧy onyŋ tek aqyndyq şeberlıgımen ǧana emes, sonymen bırge, halyq poeziiasynyŋ būtaq jaiǧan jaŋa bır bäiteregı boluymen, basqaşa aitqanda, halyq aqyndarynyŋ jasampazdyq ruhtaǧy jaŋa ūly köşın bastaǧan daralyǧymen de ölşenedı. Onyŋ sözderı ūranǧa ainalyp, özı halyq poeziiasynyŋ atasy atandy. Ol 1945 jylǧy mausym aiynyŋ 22-ınde Almaty oblysynyŋ Ūzynaǧaş eldı mekenınde 99 jasynda dünieden öttı.