AQSh prezıdenti Djo Baıdenniń uly Hanter Baıden salyq tólemegeni úshin shartty túrde sottalatyn boldy, dep habarlaıdy «Adyrna» tilshisi.
Ol úsh aıyp boıynsha óziniń kináli ekenin moıyndady. Atap aıtsaq, Hanter Baıden 2017-2018 jyldary tabys salyǵyn qasaqana tólemegenin jáne 2018 jyly Colt Cobra 38 special úlgisindegi tapanshany satyp alǵanyn málimdedi. Budan bólek er adamnyń esirtki qoldanǵany da belgili boldy. Alaıda aıyptaýmen kelisip, salyqtan jaltarǵanyn moıyndaǵany úshin Delaver shtatynyń bas prokýrory ony qylmystyq qýdalamaýǵa ýáde bergen.
Al respýblıkashyl depýtattar bolsa, prezıdenttiń uly jeńil jazamen qutylyp ketedi dep dabyl qaǵýda.
Aıta keteıik, buǵan deıin Tramp AQSh prezıdenti bolǵan kezde «Baıdenniń sybaılas jemqorlyqqa qatysy bolýy múmkin» ekenin málimdegen edi. Ol Baıdenniń uly Hanterdiń shetelden tólemder alǵanyn birneshe ret aıtty.
