30 qazanda Semei qalasynda oblystyq sot ǧimaratynyŋ aldynda özın örtep, köz jūmǧan er adam şetel azamaty bolǧan, dep habarlaidy “Adyrna”.
Ol qylmystyq ıs boiynşa jäbırlenuşı retınde tanylǧan.
Oblystyq sottyŋ mälımetınşe, 2020 jyly jäbırlenuşıge tiesılı kompaniia lizingtık kompaniiamen bes samosvaldy satyp alu turaly kelısımşart jasasqan. Alaida kölıkterdıŋ aqysyn tolyq tölemegen.
2024 jyly lizingtık kompaniianyŋ atynan äreket etken aiyptaluşy sot şeşımınsız tört samosval men qosalqy bölşekterdı äketudı ūiymdastyrǧan. Būl äreket öz betınşe bilık etu dep baǧalanǧan.
Sot ony Qylmystyq kodekstıŋ 389-babynyŋ 1-bölıgı boiynşa kınälı dep tanyǧan. Alaida qylmystyq jauapkerşılıkke tartudyŋ eskıru merzımı ötuıne bailanysty ol bosatylǧan.
Būǧan deiıngı kelısımşarttar tölemnıŋ tolyq jürgızılmeuıne bailanysty būzylǧandyqtan, sot tehnikany zaŋdy iesı – lizingtık kompaniiaǧa qaitaru turaly şeşım şyǧarǧan.
Sondai-aq jäbırlenuşı joǧalǧan qūral-jabdyqtar, qosalqy bölşekter jäne besınşı samosvaldy jöndeuge ketken şyǧyn üşın 19,9 million teŋge öndırudı sūrap, azamattyq talap aryz bergen.
Alaida mülıktıŋ özıne tiesılı ekenın jäne keltırılgen şyǧyn kölemın rastaityn dälelder jetkılıksız bolǧandyqtan, sot talap aryzdy qarausyz qaldyrǧan. Sonymen qatar jäbırlenuşıge şyǧyndy azamattyq sot ısın jürgızu tärtıbımen öndırıp alu qūqyǧy tüsındırılgen.
Sot ökılderınıŋ aituynşa, şeşım zerttelgen dälelder negızınde jäne zaŋ talaptaryna säikes qabyldanǧan.
Eske salaiyq, 30 qazanda saǧat 17:00 şamasynda Semei qalasyndaǧy oblystyq sot ǧimaratynyŋ maŋynda er adam özın örtep, köz jūmǧan. Polisiia mälımetınşe, atalǧan derek boiynşa qylmystyq ıs qozǧalǧan. Qazır oqiǧanyŋ barlyq män-jaiy anyqtalyp jatyr.
