Keşe Astana qalasynyŋ mamandandyrylǧan audanaralyq tergeu sotynda eks-ministr Arystanbek Mūhamediūlyna qatysty kezektı sot tyŋdalymy öttı. Sottaluşy özıne taǧylǧan barlyq aiyptaudy joqqa şyǧardy, dep habarlaidy "Adyrna" ūlttyq portaly Stan.kz aqparat agenttıgıne sılteme jasap.
Onyŋ aituynşa, keibıreuler “Diplomat” qonaqüiındegı astyrtyn jemqorlyq äreketterın jasyru üşın oǧan ädeiı jala japqan körınedı. Osy sebeptı būrynǧy ministr prokurordyŋ aiyptauymen müldem kelıspeitının jetkızdı. “Būlardyŋ bärı myna “Diplomat” ısın basqa aiyptaulardyŋ ışıne qosyp jıberu üşın ädeiı jasalyp otyr. Qai kezde bır adamǧa 8 ıs qozǧap edı? Maǧan ǧana. Bıraq onyŋ ışınde eşbır fakt rastalǧan joq, tek äiteuır bır derek şyǧyp qala ma degen ümıtpen sozyp jatyr. Bırde bır qūqyqbūzuşylyq joq”, – dedı Mūhamediūly jurnalisterge aitqan sözınde. Ol özıne taǧylǧan aiyptaulardyŋ negızsız ekenın alǧa tartyp, özıne qatysty taǧy ıs qozǧalǧan jaǧdaida da qoryqpaitynyn atap öttı. “Mūhamediūlynyŋ firmasyna, otbasy müşelerıne osynşa aqşa tüsken, osyndai adam para berdı nemese zaŋ būzdy dep körsetse, onda men taǧylǧan aiyppen kelıser em. Eger eşbır fakt bolmasa qalai kelısem? Osy ıske bailanysty taǧy da ıs qozǧaluy mümkın, qozǧai bersın, men qoryqpaimyn. Sebebı eşqandai fakt joq. 2 jyldan berı osy ıstı baqylap jürsızder. Sızderge qandai da bır naqty derektı ūsyndy ma”, - dep eks-ministr özınıŋ senımdı ekenın bıldırdı. Sondai-aq aiyptaluşy kameradaǧy jaǧdaiynyŋ jaqsy ekenın, künıge sportpen şūǧyldanatynyn da jasyrmady. “Kamerada künde iogamen ainalysam, künde kıtap oqimyz, sportpen şūǧyldanamyz. Jaqynda 24 kün aştyq jariialadym. Bıraq kerek qūjatymdy aldym. Maqsatyma jettım, - dedı Mūhamediūly."Adyrna" ūlttyq portaly
Ūqsas jaŋalyqtar
