Eks-mádenıet mınıstri Arystanbek Muhamedıuly 8 jylǵa bas bostandyǵynan aıyryldy. Astana qalasy №2 Baıqońyr aýdandyq sotynyń sýdıasy bul is boıynsha sottalǵandardan qansha kólemde ótemaqy óndiriletinin aıtty, dep habarlaıdy «Adyrna» tilshisi.
«Mádenıet jáne sport mınıstrliginiń materıaldyq zalaldy óndirip alý týraly azamattyq talaby ishinara qanaǵattandyrylsyn. Memleket paıdasyna Muhamedıuly, Nurazhan, Kóshenov jáne Sádýaqasovadan 43 mıllıon 829 myń 114 teńge mólsherinde materıaldyq zalal somasy birlesip óndirilsin»,—dedi sýdıa.
Olarǵa úkimdi erikti túrde oryndaý úshin bir aı berildi.
Baǵlan Ydyrysovtyń aıtýynsha, Arystanbek Muhamedıuly tergeý satysynda 111 mıllıon teńgeden astam shyǵyndy ishinara ótegen.
Eske sala keteıik, Ulttyq mýzeıdiń burynǵy dırektory Arystanbek Muhamedıuly ótken jyly 28 mamyrda qamaýǵa alynǵan edi. Antıkor mýzeı basshysyna «Altyn adamnyń álem mýzeılerine sherýi» halyqaralyq kórmesin ótkizý barysynda qarjy jymqyrdy degen aıyp taqty. Onyń soty sáýir aıynda bastaldy. Buǵan deıin prokýror Muhamedıulyna 9 jyl túrme jazasyn berýdi surady.
Bul is boıynsha basqa aıyptalýshylar Almaz Nurazhanov, Azamat Kóshenov jáne Aıym Sádýaqasova 7 jyl túrme jazasyn aldy. Olar ómir boıy memlekettik qyzmetpen aınalysa almaıdy.
