Qazaqstanda köktemnıŋ basty merekesı – Nauryz meiramyn basqaşa tlilamaq. Mädeniet jäne aqparat ministrlıgı qazırgı uaqytta barlyq müddelı memlekettık organdarmen bırlesıp Nauryz meiramyn toilaudyŋ jaŋa täsılderı äzırlenıp jatqanyn aitty, dep habarlaidy “Adyrna” ūlttyq portaly Tengri Life-qa sıltep.
Ministrlık atap ötkendei, qūjat talqylau satysynda jäne aǧymdaǧy jyldyŋ nauryz aiynyŋ basynda köpşılıkke jariialanady.
Qosymşa tüsınıkteme alu üşın Astana jäne Almaty qalalary äkımdıkterınıŋ baspasöz qyzmetıne jügınılgen.
Nauryz türkı halyqtary üşın dıni ädet-ǧūrypqa tıkelei qatysy joq dästürlı köktem merekesı. Nauryz köktemgı kün men tünnıŋ teŋeletın künderı toilanady. Ejelgı ädet-ǧūryp boiynşa, mereke aldynda adamdar öz üilerın, ainalasyn tazartyp, qaryzdaryn öteuı kerek.
Al Nauryz qazırgı qazaqstandyqtar üşın türkı köşpelı mädenietın ūlyqtau künı. Būl künderı elımızdıŋ tükpır-tükpırınde kiız üiler tıgılıp, qazaqtyŋ ūlttyq taǧamdary – nauryz-köje, bauyrsaq, şelpek, jent, qymyz jäne basqa da taǧamdar taratyldy.
Qazır Qazaqstanda Nauryzdyŋ qalai toilanatyny äzırge belgısız.
Eske salaiyq, būǧan deiın «Egemen Qazaqstan» gazetıne bergen sūhbatynda Qazaqstan Prezidentı Qasym-Jomart Toqaev ol üşın Jaŋa jyldyŋ qasiettı mänı joq ekenın aitqan bolatyn. Elbasy bızdıŋ de töl Jaŋa jylymyz – Nauryz meiramy bar ekenın, ol tabiǧattyŋ jaŋa tırşılık siklınıŋ bastauyn bıldıretının atap öttı.
«Nauryz meiramy jaŋarudy bıldıredı, sonymen qatar ony jaŋaşa: mazmūndy, jasampaz, jaŋa erekşelıkterdı engızu arqyly toilau qajet. Būl qoǧamdy bırıktıruge jäne ūlttyq bıregeilıgımızdı nyǧaituǧa septıgın tigızetınıne senımdımın», - dedı Memleket basşysy.
