Kıikterdiń kedergisiz óristeýi úshin ekodýktar salý tıimsiz. Bul týraly Májilis depýtattarynyń saýalyna Premer-Mınıstr Oljas Bektenovtiń jaýabynda aıtylǵan, dep habarlaıdy “Adyrna” ulttyq portaly QpzAqparatqa silteme jasap.
«Kıikterdiń popýlıaııasyn retteý maqsatynda Ekologııa jáne tabıǵı resýrstar mınıstrligi ǵylymı qoǵamdastyqpen birlesip, olardyń sanyn baqylaýdyń, onyń ishinde ekodýktar salý arqyly tarıhı óristeý joldaryn qalpyna keltirýdiń barlyq yqtımal tásilderin qarastyrdy. Aıtalyq, zertteý barysynda qymbat ekodýktar salý kıik popýlıaııasynyń sanyna áser etpeıtini anyqtaldy»,- dedi Úkimet basshysy jaýabynda.
Onyń atap ótýinshe, bul sheshim kıikterdiń jol ústindegi ekodýktarmen jáne jol astyndaǵy ótkeldermen júrmeıtinimen ǵylymı negizdelgen. Óıtkeni olar ashyq, tegis landshafttarda tirshilik etedi jáne bıik qurylymdardan da, ártúrli týnnelderden de qorqady.
«Osyǵan baılanysty kıikterdiń kedergisiz óristeýi úshin ekodýktar salý tıimsiz. Óıtkeni bul sharalar oń nátıje bermeıdi. Ekodýktardyń ornyna, ǵylymı uıymdardyń usynymdaryna sáıkes, tıisti eskertý belgileri men qorǵaý qorshaýlaryn ornata otyryp, kıikter óristeıtin ýchaskelerde eńis betkeıler salý josparlanýda»,- dedi Oljas Bektenov.
