Aqtaýda quny 65 mıllıon teńge turatyn Tobanııaz Álnııazuly eskertkishiniń tuǵyry qırap jatyr, dep habarlaıdy “Adyrna” ulttyq portaly Lada.kz saıtyna silteme jasap.
Jergilikti turǵyndardyń aıtýynsha, tuǵyrdy qaptaǵan taqtaıshalardyń bir bóligi synyp, armatýralary shyǵyp tur.
Qalalyq turǵyn úı-kommýnaldyq sharýashylyq bólimi búginde qalany abattandyrý nysandaryna aǵymdaǵy jóndeý jumystaryn júrgizetin merdigerdi anyqtaý boıynsha konkýrstyq rásimder júrgizilip jatqanyn habarlady.
“Merdiger anyqtalǵannan keıin eskertkishti qalpyna keltirý jumystary júrgiziledi”, - dep sendirdi sheneýnikter.
Qazaqstannyń memlekettik satyp alýlar saıtynyń habarlaýynsha, atalǵan eskertkishti jańartyp, jóndeý jumystaryna 65 313 642 teńge jumsalǵan eken.
“Adyrna” ulttyq portaly
