Aqtöbe qalasynyŋ № 2 soty şahardaǧy №55 mektep-gimnaziiasynyŋ bas buhgalterıne qatysty ükım şyǧardy. Būl turaly Antikordyŋ baspasöz qyzmetı aitty, dep habarlaidy «Adyrna» tılşısı.
Aldyn alu şaralary şeŋberınde sot prosesı aşyq rejimde jürgızıldı.
Sot prosesıne onlain rejimde bılım basqarmasy men bölımderınıŋ qyzmetkerlerı, onyŋ ışınde Aqtöbe oblysynyŋ 403 qalalyq jäne audandyq mekteptıŋ direktorlary, buhgalterlerı, pedagogikalyq qūramy qosyldy.
Aqtöbe qalalyq mektebınıŋ bas buhgalterı asa ırı mölşerde biudjet qarajatyn jymqyrǧany üşın sottaldy. Ol 8 jyl boiy özınıŋ banktık şotyna jalaqy retınde zaŋsyz audarymdar jasaǧan, nätijesınde memleketke 413,8 mln teŋge somasynda zalal keltırıldı.
Tek bır jyldyŋ ışınde ol özıne 200 mln teŋgeden astam qarajat audarǧan, būl bükıl mekteptıŋ jyldyq eŋbekaqy qorynyŋ 30% -yn qūraidy.
Sot ükımımen oǧan 7 jyl bas bostandyǧynan aiyru jazasy taǧaiyndaldy, sondai-aq 10 jyl merzımge materialdyq jauapty lauazymdardy atqaru qūqyǧynan aiyryldy.
Ükım zaŋdy küşıne engen joq.
