Armenııa Respýblıkasynyń premer-mınıstri Nıkol Pashınıannyń sheshimimen 17-18 tamyz aralyǵynda «Sýrmalý» saýda ortalyǵynda bolǵan jarylys qurbandaryn eske alý úshin qaraly kúnder jarııalandy, dep habarlaıdy “Adyrna” ulttyq portaly.
«Novostı-Armenııa» agenttiginiń habarlaýynsha, bul kúnderi el jalaýy jarty shtatqa deıin jelbiretilip, habar taratýshylardyń jarnamalyq jáne oıyn-saýyq baǵdarlamalaryn kórsetýine tyıym salynǵan.
Aıta keteıik, 14 tamyz kúni saǵat 13.23-te «Surmalý» saýda ortalyǵynda jarylys bolyp, odan keıin órt shyqqan. Aldyn ala málimet boıynsha, pırotehnıkalyq zattar qoımasy jarylyp, aýmaǵy 2,8 myń sharshy metrden asatyn úsh qabatty ǵımarat jartylaı opyrylǵan.
Tótenshe jaǵdaılar mınıstrliginiń málimetinshe, jarylys saldarynan 16 adam qaza taýyp, ekeýi iz-túzsiz joǵalǵan. 62 adam zardap shekti, onyń ishinde balalar da bar. Zardap shekkender qalanyń túrli medıınalyq ortalyqtaryna jatqyzyldy. Seısenbidegi jaǵdaı boıynsha 7 azamat aýrýhanada jatyr, qalǵandaryna medıınalyq kómek kórsetilgennen keıin úılerine shyǵaryldy. 1 ga aýmaqta izdestirý-qutqarý jumystary júrgizilýde. 17-18 tamyzda Armenııa men Arahta qaraly kún jarııalandy.
”Adyrna” ulttyq portaly
