Belgili sportshy Álııa Iýsýpova kórkem gımnastıkadan Qazaqstan ulttyq quramasynyń bas bapkeri qyzmetinen ketti. Bul týraly ol Instagram áleýmettik jelisindegi paraqshasynda jarııalady, dep habarlaıdy “Adyrna” ulttyq portaly.
Álııa Iýsýpova sportshylardy basty dodalarǵa daıyndaǵanyna qýanyshty ekenin aıtty.
«Men ózim daıyndaǵan sportshyny Olımpıadaǵa shyǵaryp, sol oıyndarǵa bapker retinde qatysýdy maqsat ettim. 2012 jyly maǵan osyndaı múmkindik berilip, Qazaqstan quramasynyń bas bapkeri qyzmetine kiristim. Úsh Olımpıadada biz jaqsy nátıjeler kórsete aldyq. Úsh ret gımnasttardy tórtjyldyqtyń basty dodasyna daıyndaǵanyma óte qýanyshtymyn», - deıdi Á.Iýsýpova.
Ol jaýapty qyzmette ózine senim artqany úshin Qazaq eline, basshylyqqa alǵysyn bildirdi.
«2025 jyldyń qańtarynan bastap bas bapker qyzmetinen ketemin. Óıtkeni federaııadaǵy jumysqa tolyqtaı kóńil bólgim keledi. Osylaısha, basqa bapkerlerge ózderin kórsetýge múmkindik berýdi jón kórdim. Barshańyzǵa sáttilik tileımin», - dedi Álııa Iýsýpova.
Qazaqstan gımnastıka federaııasynan túsken málimetke qaraǵanda, Iýsýpovanyń jetekshiligimen qazaqstandyq gımnasttar halyqaralyq arenalarda tabysqa jetip, qurlyqtyq chempıonattarda, Azııa oıyndarynda jáne álemdik týrnırlerde birneshe medal jeńip aldy.
Eske sala keteıik, Álııa Iýsýpova 2024 jyly 20 jeltoqsanda memleket basshysy Qasym-Jomart Toqaevtyń qabyldaýynda bolǵan edi.
Sol kezde Prezıdent Álııa Iýsýpovany Qazaqstan gımnastıka federaııasynyń prezıdenti bolyp qaıta saılanýymen quttyqtaǵan edi.
Álııa Iýsýpova sport salasyndaǵy keıbir ózekti problemalarǵa qatysty birqatar usynysyn jetkizgen. Federaııa basshysynyń aıtýynsha, balalardy gımnastıkaǵa erte jastan baýlý úshin keshendi jumys atqarylýy kerek.
Qasym-Jomart Toqaev sala ınfraqurylymyn damytý jáne jattyqtyrýshylardy daıarlaý isinde Týrızm jáne sport mınıstrligimen tyǵyz qarym-qatynas ornatý qajet ekenin aıtqan bolatyn.
