«Nūr-Sūltan qalasynyŋ Jastar saiasaty mäselelerı basqarmasy» MM qoldauymen, Halyqaralyq «Qazaq tılı» qoǧamy Nūr-Sūltan qalasy filialynyŋ ūiymdastyruymen «İnternattan keiıngı jetım balalar men ata-anasynyŋ qamqorlyǧynsyz qalǧan balalardy beiımdeu jäne qoldau» jobasy aiasynda atqarylyp jatqan ıster köp. Sonyŋ bırı balalar üiı tülekterıne «Balyq berme, qarmaq ber» prinsipı negızınde bılım beru kurstary ūiymdastyrylǧan bolatyn. Bügıngı künı osy baǧytta aǧylşyn tılı, türık tılı, koloristika, SMM jäne kopiraiting negızderı tärızdı kurstar öz jūmystaryn bastap kettı.
Sonymen qatar, jastar tarapynan sūranysqa ie kurstardyŋ bırı –tıgınşılık önerın üiretu kursy bolatyn. 2021 jyldyŋ 18 qyrküiegınde joba jetekşısı Larisa Aldabergenova men joba koordinatory Ahmetova Äliia osy kursqa qatysamyn dep qyzyǧuşylyq bıldırgen tülekterdı elımızge tanymal dizainer, «Zeken moda» otandyq brendınıŋ negızın qalauşy Äbışev Qairollanyŋ dizain studiiasyna aparyp, jūmys barysymen tanysuyna mümkındık jasady. Öitkenı, tanymal dizainerdıŋ ortalyǧynda şeberlık kursynan oqyp, bılım aluŋa degen jastardyŋ yntasy zor. Qyzyǧuşyly mol, ynta-peiılı qyzu jastar özderıne bolaşaqta tıgınşılık pen dizainerlıktıŋ qyr-syryn üiretetın tıgın ortalyǧy mamandarymen kezdesıp, pıkır almasty.
Kezdesu barysynda Larisa hanym atalǧan joba aiasynda jastarǧa üş ailyq kurs qarastyrylǧandyǧyn, alaida osy bastamaǧa degen jastar tarapynan ülken qoldau, qyzyǧuşylyq bolatyn bolsa, bolaşaqta jalǧastyru joldaryn qarastyratyndyǧyn tılge tiek ettı.
Kezdesuge qatysqan Jūmaǧazina Ajar tıgınşılık kursynyŋ jūmys uaqytynan tys jäne demalys künderı ūiymdastyryluy yŋǧaily bolatyndyǧyn, özderınıŋ kündızgı uaqytta jūmysta ekendıgı turaly tılegın bıldırdı. Tıgınşılıktı üiretuşı mamandar jastarǧa mümkındıgınşe kömektesıp, keşkı mezgılde, demalys künderı de üiretuden jalyqpaityndyqtaryn jetkızdı.
Junusova Almira bolsa, būryn tıgınşılıkpen ainalysqandyǧyn, bıraq öz betınşe üirengendıkten, käsıbi deŋgeige jete almaǧandyǧyna toqtalyp, elımızdıŋ tanymal dizainerınen käsıbi tıgın önerın üirenu mümkındıgın jasaǧan joba ūiymdastyruşylaryna jyly lebızın bıldırıp, alǧysyn aitty.
Osyǧan orai, «Qazaq tılı» qoǧamy Nūr-Sūltan qalasy filialynyŋ jūmysy da jetım balalardy köptep tartu. Sol negızde jastardyŋ yntasyn arttu maqsattar köptegen jūmystar jürgızılude.
Jalpy alǧanda, jastardyŋ alǧa qoiǧan maqsattary oryndalyp, elımızdıŋ myqty kiım brendterın qalyptastyryp, öz käsıpterın döŋgeletıp äketıp jatsa, atalǧan jobanyŋ alǧa qoiǧan maqsattarynyŋ bır parasynyŋ oryndalǧany. Al bız jastarǧa jol körsetıp, qoldaudan şarşamaiyq!
Ūqsas jaŋalyqtar
