Almaty äkımı Erbolat Dosaev pen Almaty oblysynyŋ äkımı Marat Sūltanǧaziev Almaty aglomerasiiasynyŋ jergılıktı keŋesınıŋ üşınşı otyrysyn ötkızdı. Kezdesu barysynda Almaty qalasynyŋ qala maŋyndaǧy aimaǧyn qala qūrylysyn josparlaudyŋ Keşendı syzbasyn özektendıru, Almaty aumaǧynan önerkäsıptık obektılerdı şyǧaru jäne «Soltüstık» kölık- auysyp otyru torabyn (KAT) salu mäselelerı qaraldy.
Almaty qalasynyŋ basşysy Erbolat Dosaev atap ötkendei, Almaty aglomerasiiasyndaǧy halyq sany ösuınıŋ joǧary qarqynyn eskere otyryp, Almatynyŋ qalamaŋyndaǧy aumaqtarynda qala qūrylysyn josparlaudyŋ Keşendı syzbasy basty qūjat bolyp tabylady.
«Almaty aglomerasiia ortalyǧy bolyp qala beredı jäne maiatniktık köşı-qondy eskere otyryp, qalanyŋ kündelıktı halqy şamamen 3 mln adamdy qūraidy. Sondyqtan bız qala maŋyndaǧy aimaqpen kölıktık bailanys, ony su būrumen, energiiamen jabdyqtaumen, jūmys oryndarymen qamtamasyz etu jönındegı jūmysty üilestıruımız kerek», - dedı Erbolat Dosaev.
Almatynyŋ qalamaŋy aimaǧy aumaqtarynyŋ qala qūrylysyn josparlaudyŋ özektı Keşendı syzbasyn Almaty oblysynyŋ mäslihaty ötken jyldyŋ 26 jeltoqsanynda bekıttı. Jergılıktı keŋestıŋ otyrysy barysynda osy qūjatty QR Ükımetıne bekıtuge jıberu turaly şeşım qabyldandy.
«Qazaqstan Prezidentı Qasym-Jomart Toqaevtyŋ tapsyrmasyn oryndau aiasynda Almaty aglomerasiiasyn damytu josparynda 130 ıs - şara ötkızu qarastyrylǧan, onyŋ 77-sı Almaty oblysynda jüzege asyryluy tiıs», - dedı Almaty oblysynyŋ äkımı Marat Sūltanǧaziev.
Otyrys barysynda bırqatar önerkäsıptık käsıporyndardy Almatydan tys jerlerge köşıru mäselesı qaraldy. Būl şara Almaty qalasynyŋ 2040 jylǧa deiıngı Bas josparynda jäne egjei-tegjeilı josparlaudyŋ (ETJ) jaŋa jobalarynda közdelgen ekologiialyq talaptarǧa negızdelgen. Bügıngı taŋda Almaty jäne oblys äkımdıkterı käsıporyn basşylarymen kelıssözder jürgızude. Osylaişa, 16 ūiymnyŋ 4-ı qaita ornalastyruǧa daiyn ekendıkterın bıldırdı. Mysaly, «Temırbeton-1» JŞS Almaty oblysyndaǧy «Qairat» industrialdy aimaǧynyŋ aumaǧynda jaŋa öndırıs saludy bastaudy josparlap otyr.
Almaty jäne Almaty oblysynyŋ äkımderı önerkäsıptık käsıporyndardy köşıru josparyn qūrudy jäne kelısılgen jaǧdaida käsıpkerlerdıŋ oblys aumaǧyna köşuı üşın barynşa qolaily jaǧdai jasaudy tapsyrdy.
Otyrystyŋ kün tärtıbınde tūrǧan maŋyzdy mäselelerdıŋ bırı Memleket basşysynyŋ biylǧy 25 qaŋtarda Almatyǧa sapary barysynda maqūldaǧan Almaty q. kölık qaŋqasynyŋ Şeber -josparynyŋ maŋyzdy elementı – «Soltüstık» kölıkke auysyp otyru toraby ornalasatyn jerdı anyqtau boldy. Būl uchaskede syiymdylyǧy ärtürlı synyptaǧy 400 avtobusqa deiıngı bıregei avtobus parkın salu josparlanuda. Park jobasynyŋ Qazaqstanda kölık qūraldaryn zariadtau jäne toltyru üşın josparlanǧan infraqūrylym bölıgınde balamasy joq.
Otyrys barysynda kommunaldyq qyzmet körsetu jäne energetika jüiesın jaŋǧyrtu, şaǧyn önerkäsıptık parkter men qosymşa industrialdy aimaqtar salu üşın Almaty jäne Almaty oblysynyŋ äkımdıkterı ötkızulerı tiıs bırınşı kezektegı ıs-şaralar talqylandy. «Almaty aglomerasiiasynda öŋdeuşı önerkäsıptı damytu aiasynda Almaty oblysynda jaŋa industrialdy aimaqtardy qūruǧa basty nazar audaryldy. Bügıngı taŋda qala ekonomikasy qūrylymyndaǧy öŋdeu önerkäsıbınıŋ ülesı 4,8% -dy qūraidy. 2023 jyldyŋ qorytyndysy boiynşa maşina jasau salasynda - 46%, tamaq önerkäsıbınde – 24,1%, qūrylys materialdary öndırısınde – 6,4%, eŋ joǧary körsetkışterge qoljetkızıldı. Öŋdeuşı önerkäsıptıŋ odan arǧy perspektivalary Almaty industrialdy aimaǧyn, «Alatau» AEA İTP damuynyŋ ekınşı kezeŋımen jäne Almaty oblysynda jaŋa industrialdy aimaqtardy, sondai - aq şaǧyn önerkäsıp parkterın qūrumen tıkelei bailanysty», - dep atap öttı otyrys barysynda baiandama jasaǧan Almaty äkımınıŋ orynbasary Älışer Äbdıqadyrov.
Aita keterlıgı, Almaty aglomerasiiasyn damytudyŋ 2029 jylǧa deiıngı Keşendı jospary QR Prezidentı Qasym-Jomart Toqaevtyŋ tapsyrmasy aiasynda äzırlenıp, 2023 jyldyŋ jeltoqsanynda QR Ükımetı bekıtken bolatyn.
Aglomerasiia-būl bır nemese bırneşe ırı qalalardyŋ ainalasyndaǧy eldı mekenderdıŋ jinaqtaluy. Özegı Almaty bolyp tabylatyn Almaty aglomerasiiasyna audandyq maŋyzy bar qalalar, 31 auyldyq okrug jäne şamamen 3 mln adam tūratyn 98-ge juyq eldı meken kıredı. Aglomerasiia aumaǧy özınıŋ öŋırlık damu josparlary men memlekettık josparlaudyŋ basqa da baǧdarlamalary bar 2 äkımşılık-aumaqtyq bırlıktı (Almaty q.jäne Almaty oblysy) qamtidy.
