Qazaqstanda 59 temirjol vokzaly kúrdeli jóndeýden ótedi. Bul týraly kólik mınıstri Marat Qarabaev málimdedi, dep habarlaıdy “Adyrna” ulttyq portaly.
Mınıstrdiń aıtýynsha, qazir jóndeýden ótýge tıis 59 temirjol vokzaly aıqyndalǵan. Onyń tórteýi ǵana Túrkistan, Qyzylorda, Shymkent jáne Pavlodar qalalarynda qazir kúrdeli jóndeýden ótip jatyr.
"Ókinishke qaraı, qalǵandaryna múldem qarjy da bólinbegen, jaı-kúıi de tómen. Ár vokzaldyń óz tabysy 50-60% ǵana qamtı alady. Osyǵan baılanysty barlyq ákimdik jobalyq-smetalyq qujattama ázirlep jatyr. Osy jyldyń sońynda biz ony qarjy bólý jaǵyn bıýdjetten qarastyramyz ba dep otyrmyz", - dedi Qarabaev senat otyrysynda.
Ol "Qazaqstan temir joly" kompanııasynyń óz aqshasy vagon alýǵa, lokomatıv alýǵa jumsalyp jatyrǵanyn da aıtty.
"Munda ákimdermen keliskenimiz – ǵımaratty jóndeýdi respýblıkalyq bıýdjetten qarastyramyz dep otyrmyz. Temirjol vokzalynyń aýlasyn ákimdik bıýdjeti esebinen kelisemiz. Biraq jobalyq-smetalyq qujattamany ákimderdiń ózderi daıyndap jatyr. Temirjol vokzaldaryn jańartý sapanyń artýyna septigin tıgizedi", - dedi mınıstr.
