Etnikalyq qazaq Ädılet Tölebaev grek-rim küresınen Europa chempionatynda küresedı, dep habarlaidy “Adyrna” ūlttyq portaly Sport Plus Qazaqstan-ǧa sılteme jasap.
Chempionattyŋ bırınşı künınde 77 kelıge deiıngı olimpiadalyq salmaq därejesınde Tölebaev 1/8 finaldan bastaidy. Qarsylas keiınırek anyqtalady. Eger 1/8-de jeŋıske jetse, Tölebaev osy salmaqtyŋ köşbasşysy Malhas Amoianmen kezdesuı mümkın. Armeniialyq sportşy soŋǧy ekı jyldaǧy Europa chempiony, sondai-aq 2021 jylǧy älem chempiony atandy. Tölebaev Europa chempionatynda beitarap tu astynda öner körsetedı. Tölebaev Ädılet 1995 jyly Omby oblysy Russkaia Poliana auylynda düniege kelgen. Halyqaralyq därejedegı sport şeberı, Resei chempionatynyŋ bırneşe dürkın jeŋımpazy, halyqaralyq turnirlerdıŋ jeŋımpazy. Ötken jyly lisenziialyq älem chempionatynda öner körsetken Tölebaev bırınşı ainalymda irandyq Muhammadälı Geraeiden jeŋılıp qaldy. Soŋǧy jyldary ol PWL käsıpqoi küres ligasynda öner körsetıp jür. Küresten Europa chempionatyn Astana uaqytymen saǧat 22:00-de Sport Plus Qazaqstan telearnasynan tıkelei efirde köre alasyzdar.“Adyrna” ūlttyq portaly
Ūqsas jaŋalyqtar
