Päkıstandaǧy qazaqtardyŋ jaǧdaiy kün ötken saiyn alaŋdatarlyq küige tüsıp otyr. Päkıstan men Auǧanstan arasyndaǧy jaŋa şielenısten keiın polisiia bosqyndarǧa jappai reid jürgıze bastaǧan. Qazırgı taŋda būl elde ondaǧan jyldar boiy ömır sürıp kele jatqan etnikalyq qazaqtar da tūtqyndalyp jatyr. Būl turaly Orda.kz jazdy, dep habarlaidy «Adyrna» tılşısı.
Är apta saiyn olardyŋ bırı ūstalyp, Auǧanstanǧa deportasiialanyp jıberıledı. Solardyŋ bırı – İslamuddin Latifi. Ol qamauda otyrsa da, bolyp jatqan oqiǧalar jaily päkıstandyq jurnalisterge aityp ülgergen.
«Auǧanstannan 45 jyl būryn kelgenbız. Bız – qazaqpyz. Päkıstannyŋ ışkı ıster ministrlıgı bızge mäsele şeşılgenşe tūtqyndaludan qorǧaityn qūjat bergen. Bıraq polisiia bärıbır bızdı ūstap aldy», — deidı İslamuddin.
Er adam kartop pen piiaz satyp künın körgen. City21 telearnasynyŋ kadrlarynda onyŋ äkesı Abdul Latif pen bauyry Saifulla da körınedı. Olardy bırge ūstaǧan.
Al Karachi qalasynyŋ tūrǧyny Hamid Ullah Jorabai Päkıstan bilıgı bergen qūjattyŋ küşı joq ekenın aitady.
«Qūjatta adamdardyŋ qazaq ekenı, olardyŋ märtebesın Qazaqstan tekserıp jatqany jäne tekseru aiaqtalǧanǧa deiın Päkıstanda tūruǧa rūqsat berıletını jazylǧan», — deidı otandasymyz.
Ministrlıkter men syrtqy ıster ministrlıgınıŋ ökılderınıŋ qoldary qoiylǧanyna qaramastan, būl qūjat adamdardy qorǧap qala almaǧan. Odan bölek, mūndai qūjat alu öte qiyn bolǧan, sebebı Qazaqstan elşılıgı eşqandai rūqsat beruden bas tartyp, naqty jauap ūsynbaǧan.
«Polisiia İslamuddinnıŋ üiıne basa-köktep kırıp, üş adamdy bırden alyp kettı. Keiın taǧy bır er adam joǧalyp kettı. Onyŋ qai bölımşede otyrǧanyn anyqtau mümkın bolmady. Al Auǧanstanǧa küştep qaitarylǧan otbasylardyŋ ızı de tabylmai kettı. Eşkımmen bailanys joq», — deidı kuägerler.
Būl kezde ekı eldıŋ şekarasynda şaiqastar bolǧan. «Taliban» ökılderı 58 päkıstandyq äskeridı joiyp, 25 şekara beketın basyp alǧanyn mälımdegen. Osy oqiǧadan keiın polisiia üilerdı tıntıp, bosqyndardy ızdei bastaǧan. Al Hamid Ullahtyŋ özı qazır dosynyŋ üiınde tyǧylyp jürgenın aitady.
Resmi jauaptardyŋ ışınen tek 19 qyrküiekte bır hatqa jauap kelgen. Päkıstandaǧy Qazaqstan elşısı Erjan Qystafin būl jauapty deputattyqqa kandidat, tarihşy Şämşı Jūmamūrattyŋ hatyna bergen.
Hatta elşılık Karachi, Kvetta jäne Peşavar qalalaryndaǧy 300 qazaqtyŋ ötınışı boiynşa «jūmys jürgızılgenın» jäne olardyŋ ısterı «2025 jyldyŋ jeltoqsanynda qaralatyn» bolyp joldanǧanyn jazǧan.
«Men tamyz aiynda ministr Nūrtıleuge (būrynǧy — red.) öz azamattarymyzdy qaitaru turaly ötınış jazdym. Jauap 4 qazanda keldı. Bıraq hatty tüsınu mümkın emes. «Jeltoqsanda jūmys oryndaldy»dep jazylǧan. Al qazır qazan aiy ǧoi. Olar qai ai ekenın bıle me özı? Menıŋşe, Qystafin qazaq tılın tüsınbeidı», — dep aşulandy Şämşı Jūmamūrat.
Päkıstandaǧy qazaqtardyŋ būl mäselesı bırneşe jyldan berı şeşılmei keledı. Elşılık pen syrtqy ıster ministrlıgı «mäselenı qarastyramyz» dep uäde bergenımen, osy uaqytqa deiın naqty ıs atqarylmaǧan. Adamdar Otanynan kömek bolaryna degen ümıtın joǧalta bastady. Al türmede otyrǧan qazaqtar özderın älı de tuǧan elı sanaityn Qazaqstannyŋ olardy eske alatyn künın kütıp otyr.
