Aqtóbe oblysynyń eks-ákimi, «Aqtóbe ÁKK» burynǵy tóraǵasy Ermek Imantaevty qamaýda ustaý merzimi uzardy. Bul týraly Aqtóbe oblysy boıynsha Sybaılas jemqorlyqqa qarsy qyzmet málimdedi, dep habarlaıdy “Adyrna” ulttyq portaly.
Aıta keteıik, Ermek Imantaev mamandandyrylǵan tergeý sotynyń qaýlysymen bıyl 10 aqpanda 8 sáýirge deıin 2 aı merzimge qamaýǵa alynǵan bolatyn. Oǵan laýazymdyq ókilettigin asyra paıdalanyp, jer ýchaskelerin óz baǵasynan tómen satty degen aıyp taǵylǵan. Saldarynan memleketke 199,4 mln teńge zalal keltirilgen.
“Bul bap boıynsha múlki tárkilenip, belgili bir laýazymdardy atqarýǵa ómir boıyna tyıym sala otyryp, 7 jylǵa deıin bas bostandyǵynan aıyrý nemese shekteý jazasy qarastyrylǵan. Sotqa deıingi tergeý jalǵasyp jatyr”, - delingen vedomstvonyń baspasóz habarlamasynda.
Ermek Imantaev 2002-2004 jyldary Aqtóbe oblysynyń ákimi bolǵan. Odan keıin Prezıdent ákimshiliginiń memlekettik baqylaý jáne uıymdastyrý jumysy bóliminiń, uıymdastyrý-baqylaý jumysy jáne kadr saıasaty basqarmasy memlekettik ınspekııasynyń memlekettik ınspektory bolyp qyzmet atqardy.
2010 jyldan bastap Astanada túrli qurylymdarda eńbek etti. 2019 jyldyń qarasha aıynda ol Aqtóbege qaıta oralyp, «Aqtóbe ÁKK» basshysy bolyp taǵaıyndaldy. Onda 2021 jyldyń naýryzyna deıin qyzmet atqarǵan.
