Búgin Ázirbaıjanda prezıdenttik saılaýda daýys berý bastaldy, dep habarlaıdy "Adyrna" ulttyq portaly.
Ortalyq saılaý komıssııasynyń (OSK) tóraǵasy Mazahır Panahov saılaý ýchaskelerin saǵat 08:00-den bastap daýys berýge ashyq dep jarııalady.
Prezıdent laýazymy úshin "Enı Ázirbaıjan" bıleýshi partııasynan prezıdenttikke kandıdat Ilham Álıev, ózin - ózi usynýshylar Zahıd Orýj jáne Fýad Álıev, Ulttyq front partııasynan kandıdat Razı Nurýllaev, Uly jasampaz partııasynan - Fazıl Mustafa, "Uly Ázirbaıjan" partııasynan - Elshad Musaev, Ázirbaıjannyń Biryńǵaı Halyq maıdany partııasynan - Gýdrat Gasangýlıev talasýda.
Esterińizge sala keteıik, saılaýshylar tiziminde 6 mıllıon 478 myń 623 adam bar. Olar búkil el boıynsha 6537 saılaý ýchaskesinde daýys beredi.
Saılaýdy baqylaý úshin 90 myńnan astam baqylaýshy tirkelgen.
Táýelsiz Ázirbaıjan tarıhynda alǵash ret saılaý eldiń búkil aýmaǵyn, sonyń ishinde jerdi basyp alýdan bosatylǵan aýmaqty qamtyp otyr. Okkýpaııadan bosatylǵan aýmaqtarda 26 saılaý ýchaskesi quryldy.
