Alakól aýdanynyń ortalyǵy Úsharalda jas jubaılar toıdy saılaý ýchaskesine barýdan bastady, dep habarlaıdy “Adyrna” ulttyq portaly.
Nesipbek áýletinde shańyraq kótergen jastardyń toıy eldegi saıası naýqanmen qatar kelgen. Úsharal qalasynyń turǵyndary Nesipbek Ashat pen Dáýrenqyzy Ásem búgin otaý tikti.
Búgin jas jubaılar ómirindegi mańyzdy kún bolsa da, olar respýblıkalyq saıası naýqanǵa kóńil bólgendi jón kórgen. Tarıhı sátte qol ustasqan jastar №48 saılaý ýchaskesine kelip, alǵash ret toı aldynda daýys berdi.
«20 qarashada ótetin saılaý ótetinin bárimiz bildik. Osyǵan oraı, toı aldynda saılaý ýchaskesine kelip, óz daýysymyzdy beremiz dep sheshtik. Bul kúni ár azamat elimizdiń bolashaǵyn eskerip, óz daýysyn berýi qajet. Biz de azamattyq jaýapkershiligimizdi bildirgendi durys kórdik. Bul bir jaǵynan, ómirimizdegi qyzyqty sátterdiń biri retinde este qalatyny sózsiz», - dedi Nesipbek Ashat.
