Jürgızuşıler balalardy avtobustan şyǧaryp jıbergenı üşın jazalanatyn bolady

Qazaqstandyq jürgızuşıler 16 jasqa tolmaǧan balalardy avtobustan şyǧaryp jıbergenı üşın aiyppūl töleitın bolady, dep habarlaidy "Adyrna" ūlttyq portaly. Deputat Jūldyz Süleimenova habarlaǧandai, zaŋ jobalary balalarǧa dūrys qaramaǧany üşın äkımşılık jauapkerşılıktı qataŋdatady. Mysaly:

• kämeletke tolmaǧan balany jäbırlegenı (bulling) üşın (eskertu ne 10 AEK-ten 30 AEK-ke deiın aiyppūl);
• ata-anasynyŋ nemese basqa da zaŋdy ökılderınıŋ kämeletke tolmaǧan balanyŋ qauıpsızdıgın qamtamasyz etu jönındegı şaralardy oryndamaǧany üşın (10 AEK aiyppūl);
• eresekter erıp jürmegen 16 jasqa deiıngı kämeletke tolmaǧan balany avtobustan jäne özge de qoǧamdyq jolauşylar kölıgınen mäjbürlep tüsırgenı üşın (5 AEK aiyppūl).

Qylmystyq jauapkerşılık boiynşa 16 jasqa deiıngı balalarǧa jynystyq sipatta tiıskenı üşın (200 saǧatqa deiın qoǧamdyq jūmystar, 40 künge deiın qamaqqa alu), kämeletke tolmaǧan balany zaŋsyz bas bostandyǧynan aiyrǧany üşın (5 jyldan 10 jylǧa deiın bas bostandyǧynan aiyru), kämeletke tolmaǧan balany ūrlaǧany üşın (10 jyldan 15 jylǧa deiın bas bostandyǧynan aiyru) jazasy taǧaiyndalady.