Qazaqstandyq júrgizýshiler 16 jasqa tolmaǵan balalardy avtobýstan shyǵaryp jibergeni úshin aıyppul tóleıtin bolady, dep habarlaıdy "Adyrna" ulttyq portaly.
Depýtat Juldyz Súleımenova habarlaǵandaı, zań jobalary balalarǵa durys qaramaǵany úshin ákimshilik jaýapkershilikti qatańdatady. Mysaly:
- kámeletke tolmaǵan balany jábirlegeni (býllıng) úshin (eskertý ne 10 AEK-ten 30 AEK-ke deıin aıyppul);
- ata-anasynyń nemese basqa da zańdy ókilderiniń kámeletke tolmaǵan balanyń qaýipsizdigin qamtamasyz etý jónindegi sharalardy oryndamaǵany úshin (10 AEK aıyppul);
- eresekter erip júrmegen 16 jasqa deıingi kámeletke tolmaǵan balany avtobýstan jáne ózge de qoǵamdyq jolaýshylar kóliginen májbúrlep túsirgeni úshin (5 AEK aıyppul).
Qylmystyq jaýapkershilik boıynsha 16 jasqa deıingi balalarǵa jynystyq sıpatta tıiskeni úshin (200 saǵatqa deıin qoǵamdyq jumystar, 40 kúnge deıin qamaqqa alý), kámeletke tolmaǵan balany zańsyz bas bostandyǵynan aıyrǵany úshin (5 jyldan 10 jylǵa deıin bas bostandyǵynan aıyrý), kámeletke tolmaǵan balany urlaǵany úshin (10 jyldan 15 jylǵa deıin bas bostandyǵynan aıyrý) jazasy taǵaıyndalady.
