Jýrnalıst Ońǵar Qabden Pavlodar oblysy, Baıanaýyl aýdany, Maıqaıyń kenti “Maıkaınzoloto” -daǵy apat bolǵan jerge baryp vıdeo joldady.
Jýrnalıstiń aıtýynsha, apat bolǵan jerde arshý jumystary kún-tún demeı júrip jatyr. Búgin apattyń bolǵanyna on birinshi kún. Qulaǵan avtobýs pen eki adam áli tabylmady.
“Avtobýs qulaǵan jerge jetý úshin joldyń shetin arnaıy qazyp jatyr. Óıtkeni, topyraqtar avtobýs jatqan jerge qulap ketpes úshin shetin tazalap alý kerek. Kúnine myńdaǵan tonna tasty shyǵaryp jatyr. Avtobýs bireýler aıtqandaı, 150 metrge emes, 66 metr tereńdikke qulaǵan. Erteńderi tabylyp qalady degen úmit bar”, dedi jýrnalıst.
Aıta keteıik, búgin avtobýs qulaǵan sáttiń vıdeosy tarady.
Esterińizge sala keteıik, 4 qańtarǵa qaraǵan túni «Maıqaıyńaltyn» AQ aýmaǵynda Maıqaıyń shahtasynyń shahtasyna jaqyn jerde tórt jolaýshy mingen avtobýs oıyqqa qulap ketken bolatyn.
Al seısenbi kúni TJ mınıstri Syrym Sháriphanov avtobýsqa deıin 5 metr qalǵanyn habarlaǵanbolatyn.
