Öskemende pyşaq jaraqatyn alǧan oquşylardyŋ ısı tekserılıp jatyr, dep habarlaidy "Adyrna" tılşısı Qazaqparatqa sıltep.
Bırneşe kün būryn qaladaǧy orta mektepterdıŋ bırınde eregesıp qalǧan ekı oquşynyŋ bırı qaltasynan jinalmaly pyşaq alyp, qarsylasyna sūǧyp jıbergen. Pyşaq alyp jürgen oquşy da abaisyzda özın de jaralap alǧan.
ŞQO Densaulyq saqtau basqarmasy baspasöz qyzmetınıŋ aqparatynşa jaraqat alǧan oquşylar qalalyq auruhanaǧa jatqyzylǧan. Qazır olardyŋ jaǧdaiy qalypty.
Al Öskemen qalalyq bılım bölımınıŋ habarlauynşa, oqiǧa oryn alǧan mekteptıŋ direktoryna qatysty tekseru jürgızılıp jatyr.
«Atalǧan faktı boiynşa bılım bölımı qyzmettık tekseru jürgızıp jatyr. Mektep äkımşılıgı tärtıptık jazaǧa tartyldy. Auruhanaǧa jatqyzylǧan balalardyŋ jaǧdaiy tūraqty baqylauda. Mektep direktoryna qatysty qyzmettık tekseru taǧaiyndalǧan. Qabyldanǧan şaralar turaly qosymşa habarlanatyn bolady», - delıngen aqparatta.
Ūqsas jaŋalyqtar
