Türkıstan oblysynda auyl tūrǧyndary mektep direktory jūmystan ketsın dep şu şyǧardy, dep habarlady “Adyrna” ūlttyq portaly KTK.telearnasyna sılteme jasap.
Kökaral auylynda üş aidan berı bereke ketken. Mausym aiynda oquşylar emtihan tapsyryp jatqanda, mektep direktory 9-synypta oqityn Elvira Myqtybekke qatty şüilıgıptı. Şpargalka qoldandyŋ dep, üzdık oqityn qyzǧa köptıŋ közınşe jekıgen. Osydan keiın oquşy "ümıtterıŋızdı aqtamadym, keşırıŋızder" degen qysqa hat jazyp, özıne qol jūmsaǧan. Sondyqtan örımdei qyzdy ölımge itermelegen basşy ornyn bosatsyn dep otyr jinalǧandar.
Al direktorǧa qatysty qozǧalǧan ıs saǧyzşa sozylyp kettı deidı marqūmnyŋ äkesı.
"Tergeu bölımınıŋ, oblystyq departamenttıŋ jūmysyna qanaǧattanbaimyn. 3 aiǧa sozylyp kettı. 2 aida bıtıremız dep uäde bergen. Bır-bırımen bailanysy bar dep küdıktenemın. Sybailas. IID, oblystyq, audandyq bılım bölımınıŋ bır-bırımen bailanysy bar", - deidı marqūmnyŋ äkesı Aqylbek Tälıpbaev.Qyzdyŋ ölımınen soŋ auyl tūrǧyndarynyŋ köbı mektep direktoryna qarsy şyqqan. Sondyqtan Aisara Staeva ornyn bosatpasa balalarymyzdy mektepke jıbermeimız dep otyr.
"Ol direktor bolsa, oqymasa oqymai ketsın, balamdy mektepke jıbermeimın. Ondai basşydan qandai tälım-tärbie alady?", - deidı Kökaral auylynyŋ tūrǧyny Jūldyzai Sūltanova.Al, bılım künınde direktordyŋ özı ornynda bolmai şyqty. Esesıne jinalǧan ata-analar aldynda aqtaluǧa Aisara Staevanyŋ qaiyn atasy kelıptı. Ol kelınınıŋ būl mektepke direktor bolǧysy kelmeitının aitty. Öitkenı auyl tūrǧyndary būǧan deiıngı basşylardy da syiǧyzbaǧan degen aqsaqal, kelınım basqa jūmys ızdep jatyr deidı.
"Būǧan deiın de neşe direktor keldı, bärı aryzben ketıp jatyr. Bıreuı yqtiiarymen ketken joq. 14 jyl direktor boldy. Būl jerge qariialardyŋ, audandyq bılım bölımınıŋ ötınışımen kelgen. Özım de kelmeimın deidı", - dep tüsındırdı Boranbai Ädılbekov.Direktor kelmegenımen, jinalǧan jūrtqa audandyq bılım bölımınıŋ basşylary dereu jettı. Aituynşa, direktordy özderı de tappai jatyr eken. Al syrtynan şyǧaryp jıberu zaŋǧa tompaq bop tūr degen bölım basşysy, tergeu organdarynyŋ şeşımın kütemız deidı. "Qūzyrly mekemelerdıŋ tekserıs nätijesın kütıp otyrmyz. Eger qorytyndysy qolyma timese, ol mektep direktoryna jūmystan ket dep dälelsız aita almaimyn. Öitkenı zaŋ bärımızge bırdei. Al direktordan jūmystan öz erkımen ketudı sūradym", - deidı Ordabasy audany adami äleuettı damytu bölımınıŋ basşysy Şūǧa Nūrabaeva. Demek direktor būl mektepke endı basşy bolmaidy. Bıraq auyl tūrǧyndary Aisara Staevany bılım salasynan müldem alastatudy talap etude.
Ūqsas jaŋalyqtar
