2019 jyldyŋ 24 mausym künı Nūr-Sūltan qalasynda Halyqaralyq Türkı akademiiasynyŋ ūiymdastyruymen
«Ūly Dala» IV Gumanitarlyq ǧylymdar forumy ötedı
Biylǧy jiyn «Türkı örkenietı: tüp tamyrynan qazırgı zamanǧa deiın» degen taqyrypqa arnalyp otyr. Forumda Qazaqstandyq ǧalymdarmen qosa Europa, Aziia jäne Amerika qūrlyǧynyŋ 21 elınen 250 – ge juyq tanymal ǧalymdar men belgılı memleket jäne qoǧam qairatkerlerı bas qospaq. Forumǧa Moŋǧoliianyŋ tūŋǧyş prezidentı Punsalmaagiin Ochirbat, Äzerbaijan Respublikasynyŋ tūŋǧyş premer-ministrı Gasan Gasanov, Qyrǧyzstan Respublikasy prezidentınıŋ keŋesşısı Sultan Raev, Türkiia Respublikasy Parlamentınıŋ eks-deputaty jäne belgılı saiasatker Namyk Kemal Zeibek pen Qyrǧyzstan Respublikasy Joǧarǧy keŋesınıŋ tūŋǧyş töraǧasy Medetkan Şerimkulov arnaiy keldı.
Forum «Türkı memlekettıgınıŋ qalyptasu men damu tarihy», «Türkı älemınıŋ genezisı - Ūly dala tarihyndaǧy jaŋa däuır», «Türkı älemınıŋ ädebietı men folklortanuyndaǧy özektı mäseleler», «Türkı älemınıŋ etnomädeni erekşelıkterı», «Qazırgı türkıtanu: jaŋa közqarastar men täsılder» jäne «Euraziiadaǧy integrasiialyq ürdıster: keŋıstık pen uaqyttyŋ kökjiekterı» degen 6 taqyryptyq seksiiaǧa bölıngen.
Halyqaralyq jiynnyŋ basty mındetı - şet eldık jäne otandyq türkolog ǧalymdar arasynda älemdık türkıtanu ǧylymynyŋ qazırgı jaǧdaiyna, jetıstıkterıne, problemalary men damu keleşegıne taldau jasau, Ūly dalanyŋ mädeni qūndylyqtarynyŋ adamzat örkenietınıŋ damuyndaǧy rölı men maŋyzyn talqylau. Sondai-aq, Qazaqstan Respublikasynyŋ Tūŋǧyş Prezidentı – Elbasy N.Ä.Nazarbaevtyŋ «Ūly Dalanyŋ jetı qyry» baǧdarlamalyq maqalasy negızınde tūjyrymdalǧan strategiialyq maqsattar şeŋberınde türkı älemı mädeni qūndylyqtarynyŋ jalpy adamzattyq maŋyzy men rölıne taldau jürgızıp, talqylau forumnyŋ aldyna qoiǧan basty maqsaty.
Halyqaralyq basqosu älemdık tanymal mamandar arasyndaǧy ǧylymi bailanystardy nyǧaitu, pıkır almasu, jahandyq jäne öŋırlık deŋgeidegı özektı mäselelerdı şeşu boiynşa keŋester ūsynatyn alaŋ qyzmetın atqarmaq.
Forum jūmysynyŋ qorytyndysy boiynşa mynadai naqty nätijeler kütılude:
⦁ Qazaqstan jäne türkı tıldes memleketterdıŋ qoǧamdyq sanasyn jaŋǧyrtudyŋ özektı baǧyttary boiynşa zertteu formattaryn naqty belgıleu;
⦁ Qazırgı Türk älemıne qatysty jaŋa zertteulerdıŋ damuyna äser etetın aǧymdardy zerdeleu, sondai-aq türkologiia jäne äleumettık ǧylymdardyŋ basqa pänderın qamtityn obektivtı közqarastardy anyqtau;
⦁ özara tüsınıstık pen konstruktivtı yntymaqtastyqty nyǧaituda ǧylymnyŋ integrasiialyq äleuetın qabyldau negızınde tiıstı qorytyndy qarar qabyldau.
Ötetın uaqyty: 24 mausym 2019 jyl, saǧat 09.30-da
Ötetın jerı: "St. Regis Astana" qonaqüiı, "Tūlpar" zaly,
Qabanbai batyr daŋǧyly, 1, Nūr-Sūltan qalasy.
Halyqaralyq Türkı akademiiasynyŋ Baspasöz qyzmetı +7/7172/574983 +77711019232 Sayat858@mail.ru
