Pavlodar qalasynda säbiın arbamen seruendetıp jürgen äieldıŋ basyna köpqabatty tūrǧyn üiden mūz kesegı qūlap, ol jaraqat aldy, dep habarlaidy "Adyrna" ūlttyq portaly.
Oqiǧa boiynşa qylmystyq ıs qozǧaldy. Aldyn ala mälımet boiynşa, oqiǧa 8 şılde künı Nazarbaev daŋǧylyndaǧy tūrǧyn üilerdıŋ bırınıŋ maŋynda bolǧan. Zardap şekken äiel sol sätte säbiın qolarbamen seruendetıp jürgen.
Oqiǧa beinebaqylau kameralaryna tüsıp qalǧan. Alaida osy uaqytqa deiın mūz kesegın laqtyrǧan nemese onyŋ qūlauyna kınälı adam anyqtalmaǧan. Zardap şekken äieldıŋ tuystary kınälını öz betınşe ızdeuge mäjbür ekenın habarlady. Jariialanǧan fotosuretterden äieldıŋ basyna tıgıs salynǧany baiqalady.
Pavlodar oblysy PD habarlauynşa, atalǧan derek boiynşa Qazaqstan Respublikasy Qylmystyq kodeksınıŋ densaulyqqa qasaqana jeŋıl ziian keltıru babymen sotqa deiıngı tergeu bastaldy.
Vedomstvonyŋ mälımetınşe, polisiia qyzmetkerlerı beinebaqylau kameralaryndaǧy jazbalardy zerdelep, oqiǧa kuägerlerınen jauap alyp jatyr.
«Oqiǧanyŋ barlyq män-jaiy anyqtaluda. Qūqyq būzuşylyqqa qatysy bar adamdy anyqtap, ony jauapkerşılıkke tartu üşın jan-jaqty şaralar jürgızılıp jatyr», – dep habarlady polisiia.
Sondai-aq būl qylmystyq ıstıŋ Pavlodar oblysy PD basşylyǧynyŋ erekşe baqylauynda ekenı atap ötıldı.
