AMANAT partııasynyń depýtaty Juldyz Súleımenova premer-mınıstr orynbasary Tamara Dúısenovaǵa qarapaıym eńbek adamdarynyń jalaqysyn kóterýdi usyndy, dep habarlaıdy "Adyrna" ulttyq portaly.
Depýtat bıýdjettik mekemelerdegi eden jýýshy, plotnık, santehnık, aýla tazalaýshy, elektrık sekildi qarapaıym eńbek adamdarynyń jumysynyń mańyzdylyǵyn jáne tıesili jalaqylarynyń óspeıtinin aıtyp másele kóterdi:
"Memleket basshysy Qasym-Jomart Kemeluly Toqaevtyń «Biz qarapaıym eńbek adamyna qurmet kórsetýimiz qajet» degen sózderinen eńbek adamynyń zańdy quqyqtaryn qorǵaý, áleýmettik qoldaý, ómir sapasyn jaqsartý arqyly áleýmettik ádilettilikti qalyptastyrý mindetteri aıqyndalady. Jyl saıyn Úkimet tarapynan azamattyq qyzmetshilerdiń jalaqysynda biliktilik sanattaryna qoldanylatyn koeffııentterdi arttyrý qarastyrylyp, jalaqylary kishigirim ósip keledi. Ókinishtisi sol, bıýdjettik mekemelerdegi eden jýýshy, aýla tazalaýshy, santehnık, plotnık, elektrık sekildi qarapaıym eńbek adamdary azamattyq qyzmetshiler reestirinde bolmaýynan, Úkimet tarapynan azamattyq qyzmetshiniń aılyǵy arttyrylǵanda, osy eńbegi aýyr jumysshylardyń múddesi eskerilmeı keledi"dedi ol.
Súleımenova eldegi qarapaıym jumysshylardyń jalaqy mólsherin atap, ony eki esege kóterý qajettigin aıtty:
"Densaýlyq saqtaý, oqý-aǵartý salasyndaǵy eń aýyr jumystardy atqaratyn jumysshylardyń aılyq jalaqysy tómen. Mysaly, mektepterdegi eden jýýshy – 82 856 teńge, elektrık 81 575 teńge, aýla sypyrýshy – 79 317 teńge. Búgingi tańda, tek orta bilim salasynda 261 myńnan astam osy sanattaǵy jumysshylar bar, olardyń 254 myńy qolyna tıetin aılyq jalaqysy 74 myń teńgeden 85 myń teńge aralyǵynda. Biz, óńirlerdi aralaǵanda bıýdjettik eńbek ujymdarynyń barlyǵynda derlik osy suraq kóterildi. Bıýdjettik mekemelerindegi orta jáne kishi býyn mamandary men qyzmetshilerdiń eńbekaqysyn keminde eki esege kóterý qajet dep sanaımyz" dedi ol.
«AMANAT» partııasynyń frakııasy qarapaıym eńbek adamdary sanatyndaǵy jumysshylarǵa laıyqty jalaqy tóleýdiń shyn máninde ádil ári biryńǵaı júıesin qurý jóninde vedomstvaaralyq jumys toby qurylýy kezek kúttirmeıtin másele ekenin tilge tıek etip, tómendegi usynystardy atady:
"Birinshi, Qazaqstan Respýblıkasy Úkimeti tarapynan barlyq basqa da bıýdjettik mekemelerdegi jalaqy teńsizdigin zerdelep, olqylyqtardy joıýǵa shara qabyldaýy úshin «Azamattyq qyzmetshilerge, memlekettik bıýdjet qarajaty esebinen ustalatyn uıymdardyń qyzmetkerlerine, qazynalyq kásiporyndardyń qyzmetkerlerine eńbekaqy tóleý júıesi týraly» Qazaqstan Respýblıkasy Úkimetiniń 2015 jylǵy 31 jeltoqsandaǵy № 1193 Qaýlysyna tıisti ózgerister men tolyqtyrýlar engizilsin. Ekinshi, oqý-aǵartý mınıstrligi Ulttyq ekonomıka mınıstrligimen jáne Qarjy mınıstrligimen birlese otyryp, eden jýýshy, plotnık, santehnık, aýla tazalaýshy, elektrık sanatyndaǵy jumysshylardyń eńbek demalysyna tólenetin tólem mólsherine saýyqtyrý járdemaqysyn qosý múmkindigin qarastyryp, respýblıkalyq bıýdjetten shyǵyndardy eseptesin. Respýblıkalyq bıýdjetti naqtylaý kezeńinde atalǵan jumysshylardyń bazalyq laýazymdyq jalaqysyn ınflıaııaǵa jáne jumystardyń kúrdeliligine sáıkes ulǵaıtýdy qarastyrsyn. Úshinshi, oqý-aǵartý mınıstrligi 2016 j. 29 qańtardaǵy № 123 Qazaqstan Respýblıkasy Bilim jáne ǵylym mınıstri buıryǵymen bekitilgen Bilim jáne ǵylym salasyndaǵy azamattyq qyzmetshiler laýazymdarynyń tizilimin qaıta qarap, eden jýýshy, plotnık, santehnık, aýla tazalaýshy, elektrık sanatyndaǵy jumysshylardyń osy tizilimge engizilýin qarastyrsyn".
