29 jeltoqsan künı Bangkoktan Oŋtüstık Koreiaǧa ūşqan Jeju Air äue kompaniiasynyŋ ūşaǧy Muan äuejaiyna qonu kezınde apatqa ūşyrady, dep habarlaidy "Adyrna" ūlttyq portaly Yonhap agenttıgıne sılteme jasap.
Derekterge süiensek, bortta kemınde 175 adam bolǧan. Ūşaq ūşu-qonu jolaǧynan şyǧyp, ülken jyldamdyqpen qorşauǧa soǧylǧan. Aldyn ala mälımet boiynşa, barlyq jolauşy qaza tapqan. Tek ekı adam ǧana aman qalǧan. Reuters agenttıgınıŋ mälımetınşe, olardyŋ ekeuı de ekipaj müşelerı. Alaida basqa bırqatar BAQ-tyŋ mälımetınşe, aman qalǧandardyŋ bırı – jolauşy.
"Bortynda şamamen 175 jolauşy men alty ekipaj müşesı bolǧan ūşaq Bangkoktan qaityp kele jatqan", – dep habarlaidy agenttık.
Apatqa ūşyraǧan Jeju Air äue kompaniiasynyŋ Boeing 737 ūşaǧynda 173 Oŋtüstık Koreia azamaty jäne ekı Tailand azamaty bolǧan.
Aman qalǧan 33 jastaǧy stiuardessanyŋ auruhanada jatqany belgılı boldy. Onyŋ ömırıne qauıp joq. Bıraq, ol qatty küizelıske ūşyraǧan
Qazırgı uaqytta äuejaida qūtqaru jūmystary jürgızılude. Örttı söndıruge 80 ört söndıru toby jūmyldyrylǧan. Bilık apattyŋ sebepterın anyqtauda. Yonhap agenttıgınıŋ habarlauynşa, ūşaq ūşu kezınde qūstarmen soqtyǧysqan. Būl şassidıŋ ısten şyǧuyna sebep bolǧan.
Eldegı saiasi daǧdarys saldarynan qyzmetınen şettetılgen Han Dok Sudan keiın uaqytşa köşbasşy bolyp taǧaiyndalǧan Oŋtüstık Koreianyŋ prezident mındetın atqaruşy Chhve San Mok tiıstı memlekettık mekemelerge apattan keiıngı qūtqaru jūmystaryn barynşa tiımdı jürgızudı tapsyrdy.
Yonhap agenttıgınıŋ habarlauynşa, Seulden 288 şaqyrym qaşyqtyqta ornalasqan Muana äuejaiyndaǧy barlyq ışkı jäne halyqaralyq reister toqtatyldy.
Muandaǧy apat – Jeju Air kompaniiasynyŋ 20 jyldyq tarihyndaǧy alǧaşqy äue apaty. Kompaniia Boeing 737-800 ūşaǧyn 2017 jyldan berı paidalanǧan, oǧan deiın ūşaq Ryanair kompaniiasyna tiesılı bolǧan.
Eske sala keteiık, 25 jeltoqsan künı AZAL äue kompaniiasynyŋ Embraer 190 ūşaǧy Baku–Groznyi baǧytynda ūşyp bara jatyp, Aqtau äuejaiynan 3 şaqyrym jerde apatqa ūşyraǧan edı. Ūşaq bortynda 67 adam bolǧan. Onyŋ 62-sı jolauşy jäne beseuı ekipaj müşesı. Olardyŋ 38-ı qaza tauyp, 29 adam auruhanaǧa jetkızıldı. Ūşaq ekipajynan 2 adam tırı qaldy.
Ūqsas jaŋalyqtar
